| Autore |
Discussione |
|
campidano
Salottino
Utente Master
 |
 Inserito il - 14/02/2007 : 21:58:01
|
Kandu capitada ka proida meda e m'agattau in domu de aiaja, issa si poniada a cantai is brebus:
Chi ses Martinu de paraualas bonas naramindi una.
unu est Su solli ki luxi prus de sa luna.
candu Gesùs Christu est callau a pèi in terra in s'ortu de Gerusalemme,
in nomini de su babbu, de su fillu, de su spiridu santu. Amen.
Chi ses Martinu de paraulas bonas naramindi duas.
Duas funt iis duas taulas de Mosei;
unu est Su solli ki luxi prus de sa luna.
candu Gesùs Christu est callau a pèi in terra in s'ortu de Gerusalemme,
in nomini de su babbu, de su fillu, de su spiridu santu. Amen.
Chi ses Martinu de paraulas bonas naramindi tres.
Tres funti is tres Marias, duas funti is duas taulas de Mosei;
unu est Su solli ki luxi prus de sa luna
.candu Gesùs Christu est callau a pèi in terra in s'ortu de Gerusalemme,
in nomini de su babbu, de su fillu, de su spiridu santu. Amen.
Chi ses Martinu de paraulas bonas naramindi quattru.
Quattru funti is quattru Evangelistas,
tres funti is tres Marias, duas funti is duas taulas de Moisei;
unu est Su solli ki luxi prus de sa luna.
candu Gesùs Christu est callau a pèi in terra in s'ortu de Gerusalemme,
in momini de su babbu, de su fillu, de su spiridu santu. Amen.
Chi ses Martinu de paraulas bonas naramindi cinqu.
Cinqu funti is cincu liagas, quattru funti is evangelistas. tres funti is tres Marias, duas funti is duas taulas de Mosei, unu est Su solli ki luxi prus de sa luna.
candu Gesùs Christu est callau a pèi in terra in s'ortu de Gerusalemme,
in nomini de su babbu, de su fillu, de su spiridu santu. Amen.
Chi ses Martinu de paraulas bonas naramindi sesi.
Sesi funti is ses cerus ki hanti allutu in Galilea, po sa notti e po sa dì, cincu funti is cinqu liagas quattru funti is evangelistas, tres funti is tres Marias, duas funti is duas taulas de Mosei;
unu est Su solli ki luxi prus de sa luna.
candu Gesùs Christu est callau a pèi in terra in s'ortu de Gerusalemme,
in momini de su babbu, de su fillu, de su spiridu santu. Amen.
Chi ses Martinu de paraulas bonas naramindi setti.
Setti funti is setti donus, sesi funti is ses cerus ki hanti allutu in Galilea, po sa notti e po sa dì. cinqu funti is cinqu liagas, quattru funti is evangelistas, tres funti is tres Marias, duas funti is duas taulas de Moisei, unu est Su solli ki luxi prus de sa luna.
candu Gesùs Christu est callau a pèi in terra in s'ortu de Gerusalemme,
in momini de su babbu, de su fillu, de su spiridu santu. Amen.
Chi ses Martinu de paraulas bonas naramindi ottu.
Ottu funti is ottu corus de is angelus. Setti funti is setti donus. Sesi funti is ses cerus ki hanti allutu in Galilea, po sa notti e po sa dì, cinqu funti is cinqu liagas, quattru funti is evangelistas, tres funti is tres Marias, duas funti is duas taulas de Mosei, unu est Su solli ki luxi prus de sa luna
candu Gesùs Christu est callau a pèi in terra in s'ortu de Gerusalemme,
in momini de su babbu, de su fillu, de su spiridu santu. Amen.
Chi ses Martinu de parolas bonas naramindi i noi.
Noi funti is noi paramentus. Ottu funti is ottu corusde is angelus. Setti funti is setti donus. Sesi funti is ses ceus ki hanti allutu in Galilea, po sa notti e po sa d, cinqu funti is cinqu liagas, quattru funti is evangelistas, tres funti is tres Marias, duas funti is duas taulas de Mosei, unu est Su solli ki luxi prus de sa luna.
candu Gesùs Christu est callau a pèi in terra in s'ortu de Gerusalemme, in nomini de su babbu, de su fillu, de su spiridu santu. Amen.
Chi ses Martinu de parolas bonas naramindi i dexi.
Dexi funti i dexi cumandamentus, Noi funti is noi paramentus. Ottu funti is ottu corus de is angelus. Setti funti is setti donus. Sesi funti is ses cerus ki hanti allutu in Galilea, po sa notti e po sa dì, cinqu funti is cinqu liagas, quattru funti is evangelistas, tres funti is tres Marias, duas funti is duas taulas de Mosei, unu est Su solli ki luxi prus de sa luna;
candu Gesùs Christu est callau a pè in terra in s'ortu de Gerusalemme,
in nomini de su babbu, de su fillu, de su spiridu santu. Amen.
Chi ses Martinu de parolas bonas naramindi undixi.
Undixi funti is undiximila virginis. Dexi funti i dexi cumandamentus, noi funti is noi paramentus, ottu funti is ottu corus de is angelus, setti funti is setti donus, Sesi funti is ses cerus ki hanti allutu in Galilea, po sa notti e po sa dì. cinqu funti is cinqu liagas, quattru funti is evangelistas, tres funti is tres Marias, duas funti is duas taulas de Mosei, unu est Su solli ki luxi prus de sa luna,
candu Gesùs Christu est callau a pèi in terra in s'ortu de Gerusalemme,
in nomini de su babbu, de su fillu, de su spiridu santu. Amen.
Chi ses Martinu de parolas bonas naramindi i doxi.
Doxi funti i doxi apostulus, undixi funti is undiximila virginia, dexi funti i dexi cumandamentus. Noi funti is noi paramentuss, ottu funti is ottu corus de is angelus,. setti funti is setti donus, sesi funti is ses cerus ki hanti allutu in Galilea, po sa notti e po sa dì, cinqu funti is cinqu liagas, qattru funti is evangelistas, tres funti is tres Marias, duas funti is duas taulas de Mosei;
unu est Su solli ki luxi prus de sa luna,
candu Gesùs Christu est callau a pèi in terra in s'ortu de Gerusalemme,
in nomini de su babbu, de su fillu, de su spiridu santu. Amen.
Chi ses Martinu de parolas bonas naramindi trexi.
Trexi non est ne luxi ne lèi, deximila passus sprufundau foras de mei in su mari,
sprufundau chi no ti torrit a bi cristianu mai
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
Regione  Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
 |
|
|
Nuragica
Moderatore
|
Inserito il - 14/02/2007 : 22:01:24
|
Custa D'appu aggradessia meda caru Campidanu..
poita funti is paraula santas chi recitada sempri sa
mamma de un'amiga mia de Aritzu.. Tzia Totonia..
s'amiga mia d'adi registrada, ma sigumenti sa mamma
esti meda beccia ,a trattusu no si cumprendit beni su
chi narada..immoi di fatzu liggi custa..
mi paridi ca esti ogualli ogualli..
_________________________________________________________
 ... vegno del loco ove tornar disio
|
|
|
|
Regione  Lombardia ~
Città: trexentese inviata speciale nel nord Italia ~
Messaggi: 15406 ~
Membro dal: 11/04/2006 ~
Ultima visita: 23/10/2020
|
|
|
|
campidano
Salottino
Utente Master
|
Inserito il - 14/02/2007 : 23:34:16
|
Zia Mariedda Tzachitzachi, aici dda zerrianta in bidda totus is piciocheddus. Ma po is anzianus fiat sa filla de Mesupetza.
No fiat arta prus de cuatru pramus. Caminaiat incrubada, trota che una puncia ; fiat a mustazus pariat un'omini e de omini teniat puru sa boxi. Biviat sola.
Siat ziu Mesupetza che zia Mariedda sunt mortus candu femu piciocu. De s'unu e de s'atera m'est aturau s'arregordu.
Mesupetza. Custu fiat s'allomingiu de ziu Antoni Piredda, messaiu e carradori. S'ultimu tra is carradoris poita is aturus no ddu teniant in contu. Po i cussu dd'hiant donau cuss'allomingiu, chi 'oliat narri' : de pagu capia, cosa de nudda.
Po juu, teniat duas bachixeddas langias langias a is calis si podiant contai is costas a unas a unas de cantu fiant stasias.
Su juu ddi serbiat po fai is fainas de domu sua. Arai sa bingixedda, betiri linna po coi su pani, traballai s'ortixeddu.
Nisciunus ddu cumandat po fai una giornada o po atera cosa ca fiat tropu minninnu.
Ziu Antoni fiat puru meri de una craba mudula mannaliza e de duus gragallus.
Unu mericeddu ne sa craba ne is duus gragallus sunt furriaus a domu. Ziu Antoni est andau a fai sa circa, ma de su bestiamini nimancu s'umbra. Hat sighiu s'arrastu finu a Gennaentu e innias a cumprendiu chi no ci fiat prus nudda de fai e hat lassau perdiri : furadas!
A chini ddi domandaiat de is crabas issu arrespundiat : "Furadas! Furadas! E ita boleis, a chini ndi tenit de arroba ndi furant".
Custus fueddus pariat chi essint bessius de buca de unu grandu proprietariu de bestiamini. Scedau. Teniat solu cussus tres pegus. Ma po issu fiant unu tallu.
Ziu Antoni fiat aturau viudu cand'est nascia s'unica filla sua, Mariedda.
Sa mulleri, zia Emanuela, fiat morta donandu a sa luxi custa pipia.
Una femina de su bixinau chi hiat tentu unu pipiu in sa propriu dì de zia Emanuela, si fiat incarrigada de donai sa tita a Mariedda. Mariedda infatis dda zerriat "mama de lati" e dda rispetat coment'e chi fessit sa propriu mama.
Zia Filomena, aici si narat custa femina de su bixinau, si fiat apegada a i custa creatura coment'e chi essit filla sua propria. Issa dd'hat pesada che una filla e crescia in domu sua imparis cun is aterus fillus suus.
Mariedda si fiat puru sposada cun d'unu fillu de zia Filomena, ma su sposu, Arrafieli, dd'hiat godiu pagu. Fiat mortu de mali arrepenti apenas duus mesis a pustis chi si fiant coiaus.
Sa malasorti s'est incania cun Mariedda de sa primu dì chi hat biu sa luxi, scedada. Mai una dì bona, pobera femina. Sa vida sua si podiat ligi' in is ogus suus. Duus ogus nieddus e tristus chi no arriiant mai. Sa faci sua pariat unu libru de penitenzias. Fiat totu frunzia pariat de biri "la Madre dell'uciso" de Franciscu Ciusa. Medas bortas castiendu custa statua m'arregordu de zia Mariedda, mi parit chi dd'assimillit meda. E chini ddu scidi. Hat' essi' fatu de modella. Bai e circa tui is cosas de su mundu...
Zia Mariedda fiat una femina de pagus fueddus. Fueddat prus cun is ogus che cun sa lingua. Ti fadiat cumprendi' prus cosas candu no chistionàt che candu t'arrespundiat. T'ascurtàt castiendudì fissa in is ogus e arrespundiat sempri a boxi blanda, a bellu a bellu. Pariat chi onnia fueddu dd'essit costruiu in cussu momentu. sempre a boxi bassa, timendu de t'ofendi' e de ti dispraxi'.Issa fadiat cumprascenzia a tutus e a totus saludada e sempri po prima. Su saludu suu, fiat sempri su propriu : bai cun Deus,.candu ti incontrada, e atura cun sa Mama, candu si dispediat.
Dda arregordu aici custa femina totu bestia de nieddu. Sempri su propriu bestiri siat chi essit andada a cresia che a logu de monti.
Portaiat su lutu de candu fiat mortu su maridu. Gunnedda niedda, cossu nieddu, e nieddu fiat su mucadori e su sciallu de Tibet chi haiat tintu e portat sempri asuba istadi e ierru. E niedda fiat sa vida de custa disdiciada femina, totu trota de su traballu. Sa vida sua dd'hat passada prus in su sartu che in bidda
In s'ierru andat a fai linna e in beranu a boddiri su tzachitzachi.
A s'obrescidorgiu fiat giai in su monti, e de is montis nostus conosciat totus is benazus e is cresuris e is logus aundi cresciat su tzachitzachi.
Custa pantuma niedda incrubada fiat su turmentu de medas cassadoris...de bidda.
***
Zia Mariedda fiat s'unica personi in bidda chi tenessit currispundenzia cun sa "Dita Carlo Erba" de Milanu.
Is literas e is telegramas chi dd'arribant si ddus fadiat ligi', ca issa a iscola no est mai andada. Sa scola sua fiat in su monti. Totu sa vida arregollendu erbas po sa "Carlo Erba". Chini scit cantu dinai hat godangiau sa "Carlo Erba" cun su traballu de zia Mariedda Unu sacu biancu incerau de tzachitzachi onnia dì. No torrat a domu prima de prenni su sacu, mai. Ci teniat una lolla prena de sacus de cust'erba in domu sua.
Sa paga dd'arriciat sempri a sa fini de sa stasoni de su tzachitzachi (po chini no conoscit sa lingua sarda, in lingua italiana si narat digitale).
Sa "Carlo Erba" ddi mandada is sacus prima de su tempus de sa regorta, ma su dinai solamenti candu sa merci fiat arribada a Milanu.
Po custu fatu is digiunus de zia Mariedda fiant prus medas de cussus chi imponit sa religioni nosta! E mancu malis chi custa femina fiat sana de coru, asinuncas, po si comporai pagas stillas de mexina fata cun s'erba sua e totu, sa digitalina, no hiat essi' bastau su dinai de una sola stasoni de traballu.
Tengu subenimentu de dd'essi' incontrada, una borta, in su sartu acanta de unu terrenu cosa nosta fendi sa regorta de cust'erba.
"Bis, fillu miu, seu totu sa vida fendu custu traballu e seu becia e smarria, ma si no ddu fazu , cantu genti podit morri' po culpa mia ?" M'hiat nau. Pobera femina. Si carrigada de nexis chi no teniat.
"No si fait totu po su dinai. Bisongiat a pensai puru po chini istat mali. Ddu scis su pipiu, chi cun cust'erba faint una mexina po sanai sa maladia de su coru ?"
"Nossi, zia Mariedda, no ddu sciu..."
"Comenti no ddu scis ? Ma tui, no ses su fillu de ...cussu chi est studiendu a predi ?"
"Sissi..." Dd'hemu arrespustu sceti. Bolemu chi essit fueddau issa. Fiat sa primu borta chi dd'hemu intendia fueddai e femu interessau a cumprendiri s'arrescionamentu suu. Infatis no dd'est garbada sa risposta mia e hat sighiu :
"Comenti no ddu scis ? ? ? ?"
Hiat pronunziau custus fueddus cun boxi prena de puntus interrogativus comenti e chi nai : ma ita est chi studiant in scola si no scint nemancu chi cun su tzachitzachi si fait sa digitalina ? Ma ddu scint chi cun custa mexina sanant is maladias de su coru ?
Unu assumbridu mannu hat atraversau su pensamentu de issa. No podiat cumprendi' comenti mai unu chi fiat studiendu, no essit scipiu una cosa aici de utilidadi po sa vida. E infatis m'hiat domandau :"Ma naramì, su pipiu, insandus ita est su chi si faint studiai ?"
"Latinu ...e..." Femu po elencai is ateras materias, ma issa m'hat interrumpiu.
"Latinu, ... e calis maladias si curant cun cussu ?"
"Nisciuna. No est un'erba. Est una lingua antiga chi oi no si usat prus".
"Pecau de tempus perdiu. S'hat a pediri contu Deus".
"Tenit arrexoni zia Mariedda" Dd'hapu nau ,donandudeddi unu bellu mazu de follas de tzachitzachi ch' in s'interis hemu arregortu.
"Naramì, e in latinu ita ddi nant a su tzachitzachi ?"
"Digitalis purpurea, zia Mariedda"
"Oi, oi, fillu miu. Scumitu chi mancu mexina bona 'essit cun d'unu nomini simili. No dd'assimillat nudda a su tzachitzachi ; perou custu fueddu m'arregordu chi dd'hiat scritu sa Carlo Erba e s'Arretori m'haiat nau chi significat propriu tzachitzachi. Si, si, propriu aici. Forsis est mellus a studiai. Su sciri serbit sempri a calencuna cosa. Studia, studia, fillu miu, e circa de agiudai a is poberus ca seus is prus bisongiosus, in totu... Cand'has a nai missa, deu no nch'hap'essi' prus, ma tui arregordadindi de zia Mariedda Tazchitzachi..."
De sa borta no dd'hapu prus bia custa femina, ma seu seguru chi Deus, in su Celu, dd'hat posta a guvernai is froris de s'eternidadi.
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
campidano
Salottino
Utente Master
|
Inserito il - 15/02/2007 : 07:47:23
|
Cantzoni po is bagadiasa:
Accudei tottusu a su ballu e baddai
Accudei tottusu a custu prexeri
Dui è Peppina Atsogiu ca’è sa Maddalena
Attra ca’ issa no d’apu adattai
Accudeisi tottusu a su ballu e baddai
Né attra ca’ issa, né attra ca’ issa
Gesuina Pala candu andada a missa
Ca’ tottu sa cresia fai lampiggiai
Accudeisi tottusu a su ballu e baddai
Né tottu sa cresia né tottu sa cresia
Brabarina Serra lavra de ceresia
E in su chinzu pottada ………….?
Accudeisi tottu a su baddu e baddai
E in su chinzu pottada che una pandeba
Teresina Ciccu di naru sa meba
Sa meba rubina posta a serenai
Accudeisi totusu a su baddu e baddai
Sa meba rubina sa meba rubina
Matilde Matzeu sa sorri pittia
Che de cantu è bella d’ointi indorai
Accudei tottusu a su baddu e baddai
Né de cantu è bella né de cantu è bianca
Gesuina Tunisi di naru sa matta
Ca’ de cantu è grussa d’anti a laudai
Accudei tottusu a su baddu e baddai
Né de cantu è grussa né de cantu è grussa
Modesta Cascinu s’ha fattu una mussa
E po poni is piusu anc’ada a croccai
Accudei tottusu a su baddu e baddai
Né po poni is piusu né po poni is piusu
Landa Curreli timidi bandiusu
D’anti ammabazzada po n’di da pigai
Accudei tottusu a su baddu e baddai
D’anti ammabazzada po pigaindedda
Atonia Frau s’ha fattu gunnedda
Cancu puntu mau tenit de passai
Accudei tottusu e su baddu e baddai
Cancu puntu mau, callincunu puntu
Margherita Scintu s’ha postu su luttu
Né po Pasca manna no s’ada a mudai
Accudei tottusu a su baddu e baddai
Né po Pasca manna e né po Pasca nodida
E Chiccina Melis sa muta follia
Nan’ca è schinizzosa po si coiai
Accudei tottusu a su ballu e baddai
Ha nau ca è schinizzosa ha nau ca è schinizzosa
Giovanna Cadoni sa matta e sa rosa
Disiggianta tottusu de ndi da segai
Accudei tottusu a su baddu e baddai
Disiggianta tottusu e disggianta medusa
Vittoria Atzori di naru sa stella
Che bessiada in s’ottu annanti e scrariai
Accudei tottusu a su baddu e baddai
Ca besiada a s’ottuannanti de fai luna
Minetta Dessì sa matta e sa pruna
Paridi de essi bentu pesada a bobai
Accudei tottusu a su baddu e baddai
Paridi de essi bentu paridi de essi bentu
Giovanna Ladoni chenzia e fundamentu
Adi scxioberau in su coiai
Accudei tottusu a su ballu e baddai
Ne ca adi sxioberau ne ca adi sxioberau
E Pia Madeddu su fascillimanu
Camminada in mari can’dè tempu bellu
Pia Madeddu di naru su vascellu
e candu si mudada po andai a missa
Gisa Coni di naru sa contessa
Unu signori di exidi a pigai
accudei tottusu a su ballu e baddai
unu signori unu cavalieri
Cicitta Corona di naru s’arroseri
Ca issa è naxia sa notti è natali
Accudei tottusu a su ballu e baddai
Ca issa è naxia sa notti e cuddu santu
De custa canzoni non di sxiu attru
Ma chi osattrusu obesi si da torru a cantai
Accudei tottusu a su ballu e baddai
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
campidano
Salottino
Utente Master
|
Inserito il - 15/02/2007 : 20:55:26
|
Brebus po fai xittiri su cani
Cane canittu
dae cane naschittu
ista chietu
ista colcatu
fin'a benner
su corbu arrabiatu
Po fai frimmai su sanguini de una ferida
Santa maria
tres leppas aia
una po punghere
una po segare
e una po parare
su sambene chi essiada.
po s'arzolu
arzolu meu arzolu
baediche solu solu
e lassa custa pupia
ca est cosa mia
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
campidano
Salottino
Utente Master
|
Inserito il - 17/02/2007 : 22:32:27
|
mutettu
Nottesta appu billau
che ei beniu connau
connau cui baccasa
pottara setti zaraccasa
zaraccasa impari
passendu mari in mari
passendu arriu arriu
su bistiri ei su miu
su bistiri ei de giaun
deu seu capitanu
caoitanu de tottu sa bidda
s'inghizzu de s'anguidda
s'inghizzu de s'anguilloni
beneddittu geroni
geroni abbettu
biaru in cuddu lettu
chi d'oiara crocai
zippiri d'oiarai
zippiri de laureru
deu bidu a giaun
che pibiri de muscau
che pibiri de muriscu
una matta de arangiu friscu
una matta de arangiu aresti
su meri non c'esti
poitta a Santu Franciscu
ari ascoppiau guerra
guerra de caboniscu
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
campidano
Salottino
Utente Master
|
Inserito il - 17/02/2007 : 23:45:24
|
Kandu furia pippiu, nde passau de tempusu, tenia fammi meda e furia sempri attaccau a sa titta de mamma buffendi latti sentza ritegnu. Mamma sciadada non sciria prusu eita manu si ettai... is tempus furianta cussu ki furianta, intandusu , mi dda contau appustisi, ddi benidi una idea,
pigada unu pogheddu de proppa de cifraxiu dda imbognada in unu muncadoreddu e nciddusticchidi in una tassa de binu nieddu, ddu lassada ammoddiai unu pogheddu e poi mi nciddufrichidi in bucca a su postu de su ximingioni.
Kusta furiada sa ximingionera e furiada tanti bona ka mi fadiada drommi' subitu.
Aicci mamma si nci podiada ghettai a su lettu e si pasiai issa puru.
ATRUSTEMPUSU..... e chi ddu faidi immoi una cosa aicci!!!
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
campidano
Salottino
Utente Master
|
Inserito il - 01/03/2007 : 23:07:55
|
Su duru duru 'e sinniora Pipiola:
Duru duru duru
sinniora Pipiola...
E bosu seis, sola sola,
sola sola, ke ala in di’...
E mòvia seis, a sa semì,
a sa sèmida, bella e lagrimosa...
Ki papau eis cancuna cosa?
No apu papau nienti nienti,
sol’ un’ampudda ‘e akuardenti,
e una carrada de binu biancu,
po no mi benni s’ànima de mancu
a su dormidroxu...
Ki papau apu unu bellu atzisroxu,
un’atzisroxu beni scoau,
e unu molenti beni domau,
e fatu m’apu unu cibuddau...
E postu nci apu trexentus cibuddas
e mortu m’apu cincuanta puddas,
fata mi d’as apu sa cassola...
Duru duru duru
sinniora Pipiola!
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
Nuragica
Moderatore
|
Inserito il - 01/03/2007 : 23:19:39
|
Sesi unu putzu chen' e fundu oh Campida', ma de innui ndiddusu bogasa tottu custus contixeddusu??
Attru che enciclopedia brittannicca sesi!
_________________________________________________
 ... vegno del loco ove tornar disio
|
|
|
|
|
Regione Lombardia ~
Città: trexentese inviata speciale nel nord Italia ~
Messaggi: 15406 ~
Membro dal: 11/04/2006 ~
Ultima visita: 23/10/2020
|
|
|
|
campidano
Salottino
Utente Master
|
Inserito il - 02/03/2007 : 19:38:15
|
Si dda arregodaisi kusta?
Sa cantzon''e cudda tzia:
Titìa titìa
su culu ‘e cudda tzia
de-i cussa tzia stràngia
ki bendit castàngia
castàngia e sa nuxedda
sa not’‘e Paskixedda
si giògat a barrallicu.
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
Albertina
Salottino
Utente Mentor
Poetessa Paradisolana
|
Inserito il - 02/03/2007 : 21:46:49
|
| campidano ha scritto:
Zia Mariedda Tzachitzachi, aici dda zerrianta in bidda totus is piciocheddus. Ma po is anzianus fiat sa filla de Mesupetza.
No fiat arta prus de cuatru pramus. Caminaiat incrubada, trota che una puncia ; fiat a mustazus pariat un'omini e de omini teniat puru sa boxi. Biviat sola.
Siat ziu Mesupetza che zia Mariedda sunt mortus candu femu piciocu. De s'unu e de s'atera m'est aturau s'arregordu.
Mesupetza. Custu fiat s'allomingiu de ziu Antoni Piredda, messaiu e carradori. S'ultimu tra is carradoris poita is aturus no ddu teniant in contu. Po i cussu dd'hiant donau cuss'allomingiu, chi 'oliat narri' : de pagu capia, cosa de nudda.
Po juu, teniat duas bachixeddas langias langias a is calis si podiant contai is costas a unas a unas de cantu fiant stasias.
Su juu ddi serbiat po fai is fainas de domu sua. Arai sa bingixedda, betiri linna po coi su pani, traballai s'ortixeddu.
Nisciunus ddu cumandat po fai una giornada o po atera cosa ca fiat tropu minninnu.
Ziu Antoni fiat puru meri de una craba mudula mannaliza e de duus gragallus.
Unu mericeddu ne sa craba ne is duus gragallus sunt furriaus a domu. Ziu Antoni est andau a fai sa circa, ma de su bestiamini nimancu s'umbra. Hat sighiu s'arrastu finu a Gennaentu e innias a cumprendiu chi no ci fiat prus nudda de fai e hat lassau perdiri : furadas!
A chini ddi domandaiat de is crabas issu arrespundiat : "Furadas! Furadas! E ita boleis, a chini ndi tenit de arroba ndi furant".
Custus fueddus pariat chi essint bessius de buca de unu grandu proprietariu de bestiamini. Scedau. Teniat solu cussus tres pegus. Ma po issu fiant unu tallu.
Ziu Antoni fiat aturau viudu cand'est nascia s'unica filla sua, Mariedda.
Sa mulleri, zia Emanuela, fiat morta donandu a sa luxi custa pipia.
Una femina de su bixinau chi hiat tentu unu pipiu in sa propriu dì de zia Emanuela, si fiat incarrigada de donai sa tita a Mariedda. Mariedda infatis dda zerriat "mama de lati" e dda rispetat coment'e chi fessit sa propriu mama.
Zia Filomena, aici si narat custa femina de su bixinau, si fiat apegada a i custa creatura coment'e chi essit filla sua propria. Issa dd'hat pesada che una filla e crescia in domu sua imparis cun is aterus fillus suus.
Mariedda si fiat puru sposada cun d'unu fillu de zia Filomena, ma su sposu, Arrafieli, dd'hiat godiu pagu. Fiat mortu de mali arrepenti apenas duus mesis a pustis chi si fiant coiaus.
Sa malasorti s'est incania cun Mariedda de sa primu dì chi hat biu sa luxi, scedada. Mai una dì bona, pobera femina. Sa vida sua si podiat ligi' in is ogus suus. Duus ogus nieddus e tristus chi no arriiant mai. Sa faci sua pariat unu libru de penitenzias. Fiat totu frunzia pariat de biri "la Madre dell'uciso" de Franciscu Ciusa. Medas bortas castiendu custa statua m'arregordu de zia Mariedda, mi parit chi dd'assimillit meda. E chini ddu scidi. Hat' essi' fatu de modella. Bai e circa tui is cosas de su mundu...
Zia Mariedda fiat una femina de pagus fueddus. Fueddat prus cun is ogus che cun sa lingua. Ti fadiat cumprendi' prus cosas candu no chistionàt che candu t'arrespundiat. T'ascurtàt castiendudì fissa in is ogus e arrespundiat sempri a boxi blanda, a bellu a bellu. Pariat chi onnia fueddu dd'essit costruiu in cussu momentu. sempre a boxi bassa, timendu de t'ofendi' e de ti dispraxi'.Issa fadiat cumprascenzia a tutus e a totus saludada e sempri po prima. Su saludu suu, fiat sempri su propriu : bai cun Deus,.candu ti incontrada, e atura cun sa Mama, candu si dispediat.
Dda arregordu aici custa femina totu bestia de nieddu. Sempri su propriu bestiri siat chi essit andada a cresia che a logu de monti.
Portaiat su lutu de candu fiat mortu su maridu. Gunnedda niedda, cossu nieddu, e nieddu fiat su mucadori e su sciallu de Tibet chi haiat tintu e portat sempri asuba istadi e ierru. E niedda fiat sa vida de custa disdiciada femina, totu trota de su traballu. Sa vida sua dd'hat passada prus in su sartu che in bidda
In s'ierru andat a fai linna e in beranu a boddiri su tzachitzachi.
A s'obrescidorgiu fiat giai in su monti, e de is montis nostus conosciat totus is benazus e is cresuris e is logus aundi cresciat su tzachitzachi.
Custa pantuma niedda incrubada fiat su turmentu de medas cassadoris...de bidda.
***
Zia Mariedda fiat s'unica personi in bidda chi tenessit currispundenzia cun sa "Dita Carlo Erba" de Milanu.
Is literas e is telegramas chi dd'arribant si ddus fadiat ligi', ca issa a iscola no est mai andada. Sa scola sua fiat in su monti. Totu sa vida arregollendu erbas po sa "Carlo Erba". Chini scit cantu dinai hat godangiau sa "Carlo Erba" cun su traballu de zia Mariedda Unu sacu biancu incerau de tzachitzachi onnia dì. No torrat a domu prima de prenni su sacu, mai. Ci teniat una lolla prena de sacus de cust'erba in domu sua.
Sa paga dd'arriciat sempri a sa fini de sa stasoni de su tzachitzachi (po chini no conoscit sa lingua sarda, in lingua italiana si narat digitale).
Sa "Carlo Erba" ddi mandada is sacus prima de su tempus de sa regorta, ma su dinai solamenti candu sa merci fiat arribada a Milanu.
Po custu fatu is digiunus de zia Mariedda fiant prus medas de cussus chi imponit sa religioni nosta! E mancu malis chi custa femina fiat sana de coru, asinuncas, po si comporai pagas stillas de mexina fata cun s'erba sua e totu, sa digitalina, no hiat essi' bastau su dinai de una sola stasoni de traballu.
Tengu subenimentu de dd'essi' incontrada, una borta, in su sartu acanta de unu terrenu cosa nosta fendi sa regorta de cust'erba.
"Bis, fillu miu, seu totu sa vida fendu custu traballu e seu becia e smarria, ma si no ddu fazu , cantu genti podit morri' po culpa mia ?" M'hiat nau. Pobera femina. Si carrigada de nexis chi no teniat.
"No si fait totu po su dinai. Bisongiat a pensai puru po chini istat mali. Ddu scis su pipiu, chi cun cust'erba faint una mexina po sanai sa maladia de su coru ?"
"Nossi, zia Mariedda, no ddu sciu..."
"Comenti no ddu scis ? Ma tui, no ses su fillu de ...cussu chi est studiendu a predi ?"
"Sissi..." Dd'hemu arrespustu sceti. Bolemu chi essit fueddau issa. Fiat sa primu borta chi dd'hemu intendia fueddai e femu interessau a cumprendiri s'arrescionamentu suu. Infatis no dd'est garbada sa risposta mia e hat sighiu :
"Comenti no ddu scis ? ? ? ?"
Hiat pronunziau custus fueddus cun boxi prena de puntus interrogativus comenti e chi nai : ma ita est chi studiant in scola si no scint nemancu chi cun su tzachitzachi si fait sa digitalina ? Ma ddu scint chi cun custa mexina sanant is maladias de su coru ?
Unu assumbridu mannu hat atraversau su pensamentu de issa. No podiat cumprendi' comenti mai unu chi fiat studiendu, no essit scipiu una cosa aici de utilidadi po sa vida. E infatis m'hiat domandau :"Ma naramì, su pipiu, insandus ita est su chi si faint studiai ?"
"Latinu ...e..." Femu po elencai is ateras materias, ma issa m'hat interrumpiu.
"Latinu, ... e calis maladias si curant cun cussu ?"
"Nisciuna. No est un'erba. Est una lingua antiga chi oi no si usat prus".
"Pecau de tempus perdiu. S'hat a pediri contu Deus".
"Tenit arrexoni zia Mariedda" Dd'hapu nau ,donandudeddi unu bellu mazu de follas de tzachitzachi ch' in s'interis hemu arregortu.
"Naramì, e in latinu ita ddi nant a su tzachitzachi ?"
"Digitalis purpurea, zia Mariedda"
"Oi, oi, fillu miu. Scumitu chi mancu mexina bona 'essit cun d'unu nomini simili. No dd'assimillat nudda a su tzachitzachi ; perou custu fueddu m'arregordu chi dd'hiat scritu sa Carlo Erba e s'Arretori m'haiat nau chi significat propriu tzachitzachi. Si, si, propriu aici. Forsis est mellus a studiai. Su sciri serbit sempri a calencuna cosa. Studia, studia, fillu miu, e circa de agiudai a is poberus ca seus is prus bisongiosus, in totu... Cand'has a nai missa, deu no nch'hap'essi' prus, ma tui arregordadindi de zia Mariedda Tazchitzachi..."
De sa borta no dd'hapu prus bia custa femina, ma seu seguru chi Deus, in su Celu, dd'hat posta a guvernai is froris de s'eternidadi.
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
Meda bellu custu contu, Campidanu, ma dd'as scrittu tui? No sciria ca ci fiada genti chi andada a boddì erba po contu de sa Carlo Erba de Milanu.
Custu contu m'ha fattu arregodai ua femmiedda chi biviada accanta de domu mia chi coltivada su pedrusemini in ddu angulleddu in sa ia. Narada: " Esti u erba sana, aicci chi cuncu cristiau ndi teidi abisongiu ndi segada". Sempri dda penzu a custa femmia, depintessi impari cun zia Mariedda Tazchitazchi guvernendi is froris de s'eternidadi.
|
|
|
|
|
Regione Sardegna ~
Prov.: Cagliari ~
Città: Villamar ~
Messaggi: 3638 ~
Membro dal: 29/06/2006 ~
Ultima visita: 31/07/2012
|
|
|
|
campidano
Salottino
Utente Master
|
Inserito il - 02/03/2007 : 22:02:38
|
Gratzias po sa bontadi tua tina!!
M'arregodu candu de picciocheddu ka sa fammi furiada meda su su inai troppu pagu m'inciessia a su sattu a ciccai craccanjiou, lau de bonifica, mattutzu, e un'erba ka in biddha dda tzerriausu "pappaxeu"
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
Albertina
Salottino
Utente Mentor
Poetessa Paradisolana
|
Inserito il - 02/03/2007 : 22:16:46
|
Su mattuzzu gei ddu connosciu, su craccangiou puru.
No appu cumprendiu custu lau de bonifica e custu " pappaxeu"
|
|
|
|
|
Regione Sardegna ~
Prov.: Cagliari ~
Città: Villamar ~
Messaggi: 3638 ~
Membro dal: 29/06/2006 ~
Ultima visita: 31/07/2012
|
|
|
|
campidano
Salottino
Utente Master
|
Inserito il - 02/03/2007 : 22:24:15
|
| Albertina ha scritto:
Su mattuzzu gei ddu connosciu, su craccangiou puru.
No appu cumprendiu custu lau de bonifica e custu " pappaxeu"
|
Teni pasientzia Tina, seu imbeccendi, obiu nai APPIU de bonifica,
su pappa xeu esti ( furiada) un'erbixedda ki cresciada me is axrobasa, pottada is follixeddasa tottu frastalliadasa e uno sabori unu pogheddu marigosu ma non troppu.
si dda pappasti crua.
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
campidano
Salottino
Utente Master
|
Inserito il - 03/03/2007 : 20:40:31
|
E imbeccendu ogna tanti mi frimmu rimiru s'alma e m'accatu ka sa vida e passada e d'happu bivia un pogheddu a sa bona lassendi passai medas cungiturasa.
Bufu binu nieddu de mengianu a merì
in sa domu mia c'est allirghia
de candu cun su fiascu fatzu pia pia...
viva su binu de sa Sardigna,
is froris e s'abba de sa funtana,
de' candu bufu de-i custu binu
m'intendo in coru ancora allirghia
Ogni sera, prima di andare a letto, mi domando se nella giornata ho fatto qualcosa di veramente divertente. Datomi la giusta risposta, mi addormento tranquillamente per andare fieramente incontro al nuovo dì.
|
|
|
|
|
Regione Sardegna ~
Città: cagliari ~
Messaggi: 2526 ~
Membro dal: 17/01/2007 ~
Ultima visita: 25/02/2024
|
|
|
|
Discussione |
|
|
|
Tutti i Forum
M'arregodu candu....
Qui c'è:
