istimadu tesoro
de custa vida mia,
astrinta a su coro
mi faghes sa ninnia.
Dromi fiz'istimada
fiz'e su coro meu,
ti beneiga Deu
in s'amenu reposu,
cun sonnu virtuosu
sonnes su paradisu,
s'amor'e su sorrisu
de sa Virgine Maria.
Astrinta a su coro
mi faghes sa ninnia.
A manzanu t'ischida
sa lugh'e s'aurora,
Maria Nostra Segnora
diet su nutrimentu,
vivas ogni momentu
in pagh'e cun amore,
virtuos'in s'onore
comente mama mia.
Astrinta a su coro
mi faghes sa ninnia.
E cando su battizu
intro sa sacra fonte,
as rezzire in fronte
s'ozu e i su sale,
su peccad'originale
cancella pro incantu,
et s'Ispidu Santu
rinnova s'armonia.
Cando su primu faeddu
de babb'e mama cara,
ti naschet in sa lara
giustu, ti cummoves,
naturale chi proves
felize prim'amore,
in s'amenu candore
s'amada cumpagnia.
rit...
Cando su primu passu
as ponner unu die,
s'anghelu vicin'a tie
ti tenzat a sa manu,
su Deus Soberanu
diet s'intelligenzia,
Divina Providenzia
t'illuminet ogni via.
rit...
E cando cun Gesusu
andas a t'incontrare,
in pees de s'altare
divot'inie preghende,
a Cristos bramende
in su pan'e su 'inu,
est su Corpus Divinu
sa Sant'Eucarestia.
rit...
Cando intro s'iscola
de andar'enit s'ora,
s'istudiu t'onora
si ben'ogni materia,
sa vid'est cosa seria
diffizil'est connota,
una persone dotta
at d'ogni fantasia.
rit...
Sa vid'unu giardinu
u' nasched'ogni fiore,
in sinu to' s'amore
fortunad'e beneittu,
in d'ogn'annal'iscriptu
cun decorosa fama,
ispos'e bona mama
onorada, grat'e pia.
A.A.M.
|
Tutti i Forum
Ninnende a Fizas mias, non finidu
Qui c'è:
Inserito il - 03/03/2013 : 11:25:42
Sardegna ~
Prov.: Nuoro ~
Città: nuoro ~
Messaggi: 