| Autore |
Discussione |
|
|
Shark
Utente Attivo
Mister Sirena 06
 |
 Inserito il - 27/09/2006 : 17:02:23
|
Annus faid, is francesus si fiant postus in conca de arrennesci a fabbricai s’automobili prus bella de su mundu.
C’iant pensau po tempus meda, po annus, fuiendu dexinas de progettus. E a sa fini anti cumenzau a fabbricai sa SIMCA 1000. Fiad aici leggia ch’is operaius de sa cadena de montaggiu andant a traballai cun is occhialis scurus, barbas e baffus fintus, parruccas, po nno si fai riconnosci. Medas vomitanta, is prus ianta domandau su trasferimentu in altrus stabilimentus, altrus su turnu de notti. Giai de candu fiant bessidas is primus vetturas is collaudadoris iant pretendiu - e ottentu- de ddas podi collaudai in pistas foras de logu aundi podiant essi bistus de sa genti, po timoria de perdi sa facci e sa dignidadi, e appena bista, sa SIMCA 1000 fiat diventada sa barzelletta de su mundu a 4 arrodas. Po finas s’ingigneri chi dd’iat progettada, sa primu borta, fiat intrau de su sportellu de agoa ca nno iat cumprendiu cali fiat sa parti de ananti. Su stili fiat cussu de sa Trabant e s’immagini rappresentat su disgustu de bivi in custu mundu.
Sa rivista americana Car Today iad scrittu ca issa pariat una scatula de tonnu scadiu, ma is francesus de sa Simca dd’iant scambiaiu po cumplimentu. Parit chi d’essinti fatta de dus coloris: asulu e asulu. Però siguramenti, dopu duas xidas cumenzada a si stingi, e medas giuranta de nd’essi biu in giru de colori craru, grigiu o biancu bruttu. De is bortas su cambiu de colori fiat aici veloci chi unu andat a comporai su giornali candu torrada nno dda connosciat prusu e andada in Questura a denunziai su furtu: aundi su Cummissariu de turnu, giustamenti, d’arrestat immediatamenti, in cantu nno podiat essi chi calincunu ndi podessit furai cussa speci’e cosa. Fiat prus facili chi unu marzianu atterresit in s’Amsicora che unu maccu ndi furessit cussa bruttura.
Cument’e tottus in fenomenus stranus sa SIMCA 1000 iat fattu nasci una surr’e storias. Naranta chi portessidi scarogna, ma custu nno esti stau provau. (Ma deu nci creu, po unu fattu capitau a un’amigu miu, scedau, chi contu fra pagu). Nno s’est mai agattau, po cantu xiccas anti fattu, unu chi nd’appada comporau una, e nemancu canc’unu chi nd’essit connotu. Si biriant is vetturas, ma is chi dd’as guidanta naranta sempri ca su meri fiat unu amigu, o sa zia, unu fradili...e candu domandasta de custa genti, diventant evasivus, cambianta chistioni, s’ind’andanta, lassanta perdi....
Fattu fattu si spraxiat sa boxi chi a comporai is SIMCA 1000 fessint paras e mongias, cancunu predi de is biddas, ma de siguru fiant boxis, nudda de zertu. Una borta iant fattu su nomini de unu rappresentanti de pasta, amigu miu, boxi posta in giru certamenti de sa cuncurrenzia, datu chi bendiat meda, e narat sa boxi ca addirittura nd’iat comporau duas. Nno est serbiu a nudda sa smentira fatta ( a pagamentu) in s’Unioni Sarda, est deppiu andai a ddu nai in Videolina, ma est stettiu tottu inutili, nci at perdiu is clientis, dd’est toccau a cambiai mestieri, e, a sa fini, at deppiu abbandonai Casteddu po sa bregungia, est emigrau, nno nd’eus scippiu prus nudda.
Oi, de SIMCA 1000 in giru nno s’in-di biri prusu; forzis po custu motivu su Sindigu de Nuradda, consillau de Lello, nd’at fattu comporai una in su ferru becciu, dd’at fatta pintai in asulu ( mancai oi si biat grogasta) at fattu una bella basi in mesu de sa prazza de sa bidda e nci dd’at posta innias.
Su disgustu de is paesanus est ricumpensau de su turismu chi portada: c’est genti chi arribat a Nuradda de tottu su mundu po dda fotografai, specialmenti giapponesus. Incoraggiau de s’esperimentu, su sindigu at fattu approvai de su cunsillu comunali unu progettu de unu museu de is orroris a 4 arrorasa at giai comporau un’Amy 8 e una Duna...........
|
|
|
|
Regione  Sardegna ~
Messaggi: 634 ~
Membro dal: 13/04/2006 ~
Ultima visita: 20/12/2009
|
|
|
|
|
Google Sardegna
Pubblicità
|
|
|
|
|
ondarock
Salottino
Utente Medio
|
Inserito il - 27/09/2006 : 17:13:04
|
Troppo forte, Ser| 
Simca 1000 (per i più giovani e per i poveri di immaginazione, eheheh)
|
|
|
|
|
Regione Sardegna ~
Prov.: Cagliari ~
Città: Sulcis - Iglesiente ~
Messaggi: 232 ~
Membro dal: 28/06/2006 ~
Ultima visita: 03/09/2009
|
 |
|
|
Ela
Moderatore
|
Inserito il - 27/09/2006 : 18:26:02
|
 Bleh!!!!!
 
C'esti un'isola in su Mediterraniu aundi s'aria fragada de mari,de terra e de mirtu.....esti sa Sardigna......
|
|
|
|
Regione  Marche ~
Prov.: Cagliari ~
Messaggi: 6439 ~
Membro dal: 11/04/2006 ~
Ultima visita: 03/07/2020
|
|
|
|
Barbaricina
Moderatore
Jana Ojos-de-Luche
|
Inserito il - 27/09/2006 : 21:58:50
|
 OIAH!!!!!!! SER.... ta bellu contu!!!!!!!!!!!
|
|
|
|
Regione  Piemonte ~
Città: Domodossola ~
Messaggi: 9893 ~
Membro dal: 11/04/2006 ~
Ultima visita: 15/04/2017
|
|
|
|
Nuragica
Moderatore
|
Inserito il - 27/09/2006 : 22:39:52
|
Ahahahahahah!!! Aspettai ca mi toccada a curreggi!!! ca ia scrittu in limba!!! Serrrrrrr ma innui dus' agattasa custus contusu aicci bellusu??
In su link chi ha postu ondarock sa simca esti gialla . si bidi ca d'iada comprada cancunu taxista e d'adi torrada a intingi!!
____________________________________________________________
 ... vegno del loco ove tornar disio
|
Modificato da - Nuragica in data 27/09/2006 22:49:06 |
|
|
|
Regione  Lombardia ~
Città: trexentese inviata speciale nel nord Italia ~
Messaggi: 15406 ~
Membro dal: 11/04/2006 ~
Ultima visita: 23/10/2020
|
|
|
|
Zio Eu
Salottino
Utente Attivo
|
Inserito il - 28/09/2006 : 08:34:51
|
Candu furiu pitticcheddeddu, sa Simca 1000 (de su collori prus bellu, s'arancioni) furiada una macchina troppu toga. Da teniada unu amigu miu ca d'iada arrangiada po curri in is cursasa de macchinasa. M'arregodu ca d'ianta postu una sacchitta de ciumentu aintru de su cofanu po da fai prusu grai e appoderai de prusu in is curvasa; quattru adesivusu po parri prusu toga e dus'arrangixeddus a su motori e furiada pronta po curri impari a sa lancia de Sandro Munari in su rally de Costa Smeralda (bacciccaddu chi in cussu periudu esistiada giai). Fattu fattu da parcheggianta in sa prazz'e scolla po da fai biri a tottusu e nosu piccioccheddusu furistisi sempri ingu'i a giru a giru e pariada chi furustisi castiendi sa ferrari de sciumaccher.
|
Modificato da - Zio Eu in data 28/09/2006 08:47:52 |
|
|
|
|
Regione Sardegna ~
Prov.: Cagliari ~
Messaggi: 829 ~
Membro dal: 08/05/2006 ~
Ultima visita: 23/11/2011
|
|
|
|
stellamarina
Nuovo Utente
|
Inserito il - 28/09/2006 : 08:51:45
|
 ser..masi fattu torrai accou cun sa memoria a candu fui picciocchedda..su chi asi scrittu esti propriu berirari..su preri de bidda da tenera de nu colori birdanciu e i suorasa nu grigiu sciapiru..babbu a s' epoca tenera sa volkswagen..eheh fu su "togu" de sa bidda
p.s.scusai si su sardu scrittu cosa mia non esti perfettu
|
|
|
|
|
Regione Sardegna ~
Messaggi: 37 ~
Membro dal: 22/09/2006 ~
Ultima visita: 20/10/2006
|
|
|
|
carol
Salottino
Utente Master
|
Inserito il - 28/09/2006 : 15:37:05
|
beh.........non capisco molto il casteddaio......ma ho riso tanto......ser la tua storia è davvero BETTE COSA BELLEDDA........
|
|
|
|
|
Regione Sardegna ~
Città: nuoro città ~
Messaggi: 2237 ~
Membro dal: 25/08/2006 ~
Ultima visita: 21/03/2013
|
|
|
| |
Discussione |
|
|
|
Tutti i Forum
Sa Simca 1000
Qui c'è:
