Forum Sardegna

Tutti i Forum  Limba Sarda  Poesiasa e Canzonis in sardu  Potentzia Cappai, cantadora campidanesa

Nota: Devi essere registrato per poter inserire un messaggio.
Per registrarti, clicca qui. La Registrazione è semplice e gratuita!

Larghezza finestra: 640 x 480 800 x 600 1024 x 768 1280 x 1024 Nome Utente: Password: Modo: Base  Aiuto  Finestra  Formato: Carattere Andale Mono Arial Arial Black Book Antiqua Century Gothic Comic Sans MS Courier New Georgia Impact Lucida Console Script MT Bold Stencil Tahoma Times New Roman Trebuchet MS Verdana   Grandezza 1 2 3 4 5 6   Colore Nero Rosso Giallo Rosa Verde Arancione Viola Blu Beige Bordò Verde Oliva Blu Marino Marrone Verde Limone Video: Icona Messaggio:                             Messaggio:   * Il codice HTML è OFF * Il Codice Forum è ON Faccine Seleziona altre faccine [quote]Messaggio di [red]pereddeddu[/red] [br]Potentzia Cappai, una cantadora scarescia. Chini dd'arregordat prus a tzia Potentzia, cantadora improvvisadora, incantadora de trumas po s'abilidadi in su cantu e nomonada po sa bellesa sua? Candu fessit nascia no si sciit (Is afressus suus tòrrant perou a sa manera de Ciccheddu Olatta -Cuartucciu 1763/1833- e, duncas, podeus pentzai chi issa puru fessit de cussus tempus o de unus cantus annus prus a tradu). Is Lamadronesus nàrant chi fessit de cussu logu e issa etotu si ddu scòviat in custus afressus chi iat improvvisau atobiendisì cun d'un'ateru cantadori, tziu Antiogu Brai. Cust'omini -no si sciit de abi fessit, si pèntzat de is biddixeddas accanta- fiat andau a Lamadronu poita dd'oliat conosci; iat pregontau me' in bidda inoi bivìat e, cand'iat biu una femina de cara bella e sa castiàda ammainadora pesendi acua de sa funtana de Mussu Giacu, dd'iat pregontau: “Nara femina bona custa est Lunamatrona? Nara femina giusta Lunamatrona est custa?” Tziu Antiogu no si fiat sballiau poita, luegu, sa cantadora dd'iat torrau: “Poita mi domandais? Puntu a coru siais! Cust'est sa bidda mia puntu a coru si bia!” Cumprendiu chi iat ca sa cantadora fiat Potentzia, Tziu Antiogu iat circau de dda spitzulai: “Ahn, tui ses Potentzia Cappai, sa chi tàllat e no còsit mai!” Potentzia insaras, intendendisì spitzulada, dd'iat torrau: “Sissi! Deu seu issa, a cresia andeis e no biais missa!” Tziu Antiogu, unu pagheddu spantau poita no dd'iat arreconottu, si fiat fattu a conosci cun d'unu pagu de spallerìa: “No mi conoscis ca seu Antiogu? Nasciu in d'unu pitz''e monti; tzaccarru perd''e fogu de cantu seu barra forti!” Tzia Potentzia Cappai fiat nomonada meda puru poita scidiat spinnicai indovinellus cantendi me' is domus e me' is osterias e su tzaccamanu fiat totu po issa. Is feminas de is biddas no dda podiant biri perou, poita buffàt a ratassa cun is ominis e ... custu no dexìat in cussus tempus. Intrada chi fiat in cunfiantza cun tziu Antiogu Brai, si agattànt cun issu me' is festas e cantànt impari cument''e chi fessint uno “duo” ante litteram. Sa cantàda sua prus bella -nomonada in totu su Campidanu 'e mesu, su de Casteddu, Marmilla e Trexenta- fiat “Basamì Bella”, chi is beccius mannus nostus cantànt traballendi e is feminas alichidendi me' in domu. Basamì Bella (repentina de Antiogu Brai e Potentzia Cappai) “E basamì bella e basamì bella, po tui ap'a fai de oru una cappella po ti biri missa e po ti cunfessai e basamì bella e beni a ti pagai. Ni po biri missa ni po biri missa laba ca no seu ni dama e ni contissa e no tengiu cosa de podi' eredai e mortu ti bia prim''e mi basai. Deu t'ap'a fai manna donidadi mela rosa bella prena de bundadi si no basu a tui m'ap'ammacchiai e basamì bella e beni a ti pagai. Deu no ti nau chi t'ammacchis po mei po una pagu cosa ti spranghit su rei e mandit emissarius po ti presurai e mortu ti bia prim''e mi basai. Ni cun emissarius ni cun emissarius is fueddus tuus mi sunt contrarius cument''e piccinna ti depu scusai e basamì bella e beni a ti pagai. Cument''e piccinna cument''e piccinna anca t'ind'arruat in conca una pinna chi cument''e tronu ti potzat calai e mortu ti bia prim''e mi basai.” Speru chi calincunu tengiat ateras scedas de custa cantadora e ddas potzat acciungi' me' innoi. [/quote]   Clicca qui per inserire la tua firma nel messaggio.

Forum Sardegna © Gente di Sardegna la community di Paradisola.it