Forum Sardegna

Tutti i Forum  Cultura in Sardegna  Lingua Sarda  Gosus in onore 'e Fra Nigòla da Gesturi

Nota: Devi essere registrato per poter inserire un messaggio.
Per registrarti, clicca qui. La Registrazione è semplice e gratuita!

Larghezza finestra: 640 x 480 800 x 600 1024 x 768 1280 x 1024 Nome Utente: Password: Modo: Base  Aiuto  Finestra  Formato: Carattere Andale Mono Arial Arial Black Book Antiqua Century Gothic Comic Sans MS Courier New Georgia Impact Lucida Console Script MT Bold Stencil Tahoma Times New Roman Trebuchet MS Verdana   Grandezza 1 2 3 4 5 6   Colore Nero Rosso Giallo Rosa Verde Arancione Viola Blu Beige Bordò Verde Oliva Blu Marino Marrone Verde Limone Video: Icona Messaggio:                             Messaggio:   * Il codice HTML è OFF * Il Codice Forum è ON Faccine Seleziona altre faccine [quote]Messaggio di [red]poesianu[/red] [br]Dae su Regn'e S'amore sana, aggiu'e consola, Biadu, Santu Nigòla sias nostr'intercessore. Da' minor'in orfanìa triste penas as connotu, t'imbenujas devotu pro Deus a Maria, sas penas e angustìa ti mudat in fervore. Biadu, Santu Nigòla sias nostr'intercessore. Deus ancora ti jama a dolores e affannos, a s'edad'e treigh'annos orfan'e babbu e mama, a Deus ancora brama cun fide sempre mazore. Biadu, Santu Nigòla sias nostr'intercessore. Proite sa mala sorte ti at sempre opprimìdu, cand'a Rita su marìdu leadu n-de at sa morte, tue virtuos'e forte superas ogni dolore. Biadu, Santu Nigòla sias nostr'intercessore. Su tiaulu a dispettu punit su tou eroismu, oppress'e reumatismu ses derutu in su lettu, cun amore e rispettu t'invocas a su Segnore. Biadu, Santu Nigòla sias nostr'intercessore. Ses sanu in su momentu as pregadu in bonu pròe, a sos annos vintinòe ses intradu in cunventu, su tialu pro turmentu s'es bestid'e su priore. Biadu, Santu Nigòla sias nostr'intercessore. A prim'or'e su manzanu preghend'est su novissiu, superat su giudissiu bestidu 'e franziscanu, cun su rosari' in manu di' e notte cun ardòre Biadu, Santu Nigòla sias nostr'intercessore. rispettu e disciplina devotu est sempr'istadu, su prior'at ordinadu de servire in coghina, sos gustos no indovina e li creana clamore. Biadu, Santu Nigòla sias nostr'intercessore. degh'annos s'iscenariu cambiad'est in pienu, sa rugh'e su Nazarenu mancat a su calvariu, cun bertul'e rosariu chilcat su benefactore. Biadu, Santu Nigòla sias nostr'intercessore. Amor'e umilidade cun su sorrisu lughente, tue accisas sa zente de tota sa zittade, sa divina santidade ispiju 'e risplendore. Biadu, Santu Nigòla sias nostr'intercessore. dae cando ses bessidu a pedire sena pasu, su cunvent'at pan'e casu bin'e ozu saboridu, de 'inare remonidu pisch'e petta cun laore. Biadu, Santu Nigòla sias nostr'intercessore. Disastrosa est sa gherra malaittu chi' l'at giutta, sa zittade est distrutta e i sos mortos in terra, chie bram'e chie serra sas laras in su terrore. Biadu, Santu Nigòla sias nostr'intercessore. Su nemig'es bombardende solitariu camminas, in mes'a bombas e minas sos feridos assistende, moribundos cunfortende cun patriotic' onore. Biadu, Santu Nigòla sias nostr'intercessore. Non firmas unu momentu sant'est sa tua energia, in' ispidal' e farmacia mudadu as su cunventu, curende as su talentu dae Deus ses duttore. Biadu, Santu Nigòla sias nostr'intercessore. Sa gherra nos at battidu disastros de ogni manera, malaria, tis' e colera cun sas bombas an bocchidu, sutta terr'an seppellidu bezzu, mannu e minore. Biadu, Santu Nigòla sias nostr'intercessore. S'economu pro su 'inu li narat s'est aghedadu, tue no l'as travasadu a tempus giust'a puntinu, pregas su chelu divinu torrat perfett' in sabòre. Biadu, Santu Nigòla sias nostr'intercessore. S'econom' ancora tristu pro provistas e dinare, non bessidi a chircare malaid' istanc' e pistu, cand'in sa bertul'an' istu benes de ogni valore. Biadu, Santu Nigòla sias nostr'intercessore. A settantases(e) annos cun dolore e turmentu, at lassad' in testamentu a sos minores e mannos: non timedas sos affannos sa virtud' e su candore. Biadu, Santu Nigòla sias nostr'intercessore. De Nigòla pagas rigas in su mundu an' iscrittu, in su Regnu Infinitu novas noas e antigas, su dolor' e sas fadigas su Divinu Criadore. Biadu, Santu Nigòla sias nostr'intercessore. Tota sa zente in piantu abbojat a meraviza, pius de sessantamiza finas a su campusantu, e tue Nigòla Santu salvanos d' ogni rigore. Biadu, Santu Nigòla sias nostr'intercessore. continua... [/quote]   Clicca qui per inserire la tua firma nel messaggio.

Forum Sardegna © Gente di Sardegna la community di Paradisola.it