| V I S U A L I Z Z A D I S C U S S I O N E |
| Perdixeddu |
Inserito il - 04/04/2009 : 12:37:32
est nàscia s'Acadèmia de su Sardu, un'assòtziu mannu pesau de genti meda, de dònnia parti de Sardìnnia, chi tenit sa tenta de pesai unu bilinguismu europeu e modernu (comenti in Galles, Catalùnnia, Logus Bascus e aici nendi).
in prus s'Acadèmia de su Sardu bolit donai un'arrespusta crara a sa chistioni bècia chi at arròsciu a totu is sardus...
cali sardu?
s'arrespusta est, sa lìngua sarda est una, ma cun duas bariedadis mannas literàrias, chi ddas ant pesadas me is sèculus is poetas e is scriidoris sardus, est a nai su Campidanesu literàriu e su Logudoresu literàriu, chi bolint imperaus a muda, comenti faint is stadus modernus che sa Norvègia (chi imperat is duas bariedadis Bokmal e Nynorsk) o atras lìnguas pagu spainadas che su Ladinu (chi imperat su Gardanesu e su Badiota).
a chitzi sa presentada ofitziali in Casteddu e eus a oberri su tesseramentu 
|
| 15 U L T I M E R I S P O S T E (in alto le più recenti) |
| Perdixeddu |
Inserito il - 13/05/2009 : 21:28:23
saludi a totus!
apu a torrai a tocai totu is chistionis su 25 de custu mesi, candu fùrriu de su Giaponi
insandus...eis tocau una chistioni chi mi spèddiat de annus! cumenti "sardisai" is fueddus internatzionalis...
insandus, chi depeus arrespetai totu is arregulas de su sardu
stòria > stòrgia
democràticu > demogràdigu
modernu > moderru
internatzionali > interratzionali
e aici nendi...peruna lìngua neo-latina trassat is fueddus modernus cumenti chi fessint intraus de 1000 annus. |
| Arthacan |
Inserito il - 12/05/2009 : 17:34:05
figuradì! fait a essi prus grai puru, chi est po cussu!
Abeteus a ligi in normas, ma po imoi ti potzu nai ca nci at linguistas chi no funt de acordiu a aplicai sa lenitzioni a totus is fueddus nous chi intrant in su sardu.. Poita no est prus una arregula automatica in su fueddai.
Deu nau antiogu, priogu: fueddus bècius, sa lenitzioni est stuturali. Ma mi benit prus naturali a nai fonetica, no fonetiga. Nau musica e no musiga, nau automatica e no automatiga, ecc ecc.
Comuncas no bollu intrai in abetiu, poita sa cosa no dda sciu beni beni mancu deu.. M'apu a informai mellus, e spereus puru chi intrit innoi calincunu chi si potzat spegai mellus custa cosa..
a si torrai a ligi |
| carlton |
Inserito il - 10/05/2009 : 23:31:11
Saludi Arthacan.
Mancai ddui ant studius ki sustennint ca is diferentzias intra de is grafias ajudant a mantenni beni crara sa pratzidura intra de duas linguas, e duncas fendi prus simpri s'imparu insoru kentz''e is arriscus dèpius a una subaponidura tropu àmpara de is duas (non ti potzu ponni sa referentzia ca non m'arregordu aundi dd'apu liju), ant donau arrexoni a s'inertzia curturali, comenti naras beni tui, a dolu mannu miu.
E deu totu custa mediadura no dda biu: est comenti a nai ca sa LSC est una mediadura intra de su campidanesu e de su logudoresu.
Custa grafia est a pigai sa grafia italiana, a ndi ponni una X e su TZ (milli borta mellus de su ZZ italianu ki no serbit a nudda), e bò de aici (scusaimì ki dda fatzu tropu fàcili).
Ndi ghetu a una parti custu abètiu a pitzus de sa grafia ca ddui nd'at unu de prus importu puru: sa kistioni de sa fraigadura de is fueddus nous.
Ki boleus sìghiri a nai su Sardu Lingua e non dialetu de s'italianu, primu depeus imperai is fueddus sardus, poita ca biu meda inertzia curturali in custu puru (meda prus còmudu a ponni una -u a is fueddus italianus...).
E segundu, ki propiu no faessit, is fueddus nous depint assumancu essi adataus a sa fonètiga sarda, no domandu meda, assumancu adataus.
Poita in su tìtulu de su lìburu de sa Norma Campidanesa biu su fueddu "fonètica"? S'arregula de mudai sa "c" in "g" no s'àpricat prus?
Intamis de andai adainnantis, seus torrendi a coa: in su '83 bessiat po sa primu borta sa "Carta de Logu Istòriga e Limbìstiga de Sardìnnia" Francu De Fabiis... "Fonètica" est leju a ddu pronunciai in d-una fràsia sarda, nc'est pagu de fai. E a ddu lassai de aici est una violèntzia a su Sardu.
Arthacan scusamì ki seu grai cun is fueddus, sceti ca deu bivu in Cadalùnnia e donnia dì "tocu cun manus" ita bolit nai dinnidadi e arrespetu po sa lingua propia.
a sa pròssima |
| Arthacan |
Inserito il - 07/05/2009 : 11:11:59
| carlton ha scritto:
Gratzias Arthacan.
Intzandus est sa grafia italiana apricada a su sardu. Si tocat a scriri "domus de gianas"... bah. Po mei personalmenti est una delusioni. M'iat a praxi a ndi kistionai a pitzus de is arrexonis de custus scioberus.
Aici comenti tengu curiosidadi meda de sciri cali funt is normas po criai noulogismus.
A s'intendi mellus
|
e naraddi Pepi! :)
sa chistioni est ca est tocau a agatai una mediatzioni po de sa grafia. A benni a pari. Comenti scis sa grafia sarda autonoma de Lepori dd'ant arricia beni po su prus is giovanus e in zona campidanesa. Prus pagu in atrus tretus de sardinnia. A intru de s'ambienti de is chi imperant su sardu, scritoris, poetas, operadoris, est a genti meda chi no praxit. Nci funt inertzias culturalis, gei ddu cumprendis. Chi po 300 annus s'est scritu cun grafia a s'italiana, a cambiai de oi a cras no est totus chi dd'arricint. Nci funt resistentzias. Sa grafia puru, comenti sa lingua etotu, sighit traditzionis e costumantzias arrexinadas.
Custa ortografia bolit arregolli cantu prus cunsensu fait. No fait a si ponni culu a pari do donnia cosa. Bolit ponni in pari sa genti de totu sa sardinnia e de totu is generatzionis, e duncas s'est circau de mediai intr'e traditzioni e innovatzioni de modu chi dda potzant arriciri beni totus.
Tretus innovativus:
sa chistioni de si consonantis allobadas;
su Tz;
no si ponit sa H ananti de is boxis de su verbu airi;
no si imperat sa Q, ecc..
Tretus cunservativus: CH, -gio-, DD po su sonu cacuminali ecc.
Est tocau a fai contu de sa tenta ortografica chi at pigau sa RAS, de su traballu de is gramaticus, de chini scrit ditzionarius, de sa dibata academica e de su scioberu de is scritoris in custus annus. Chi tui andas a castiai is publicatzionis in lingua sarda de is urtimus dexi annus as a biri ca s'orientamentu po su prus est cussu.
Comuncas, abetaus a ddu ligi. Deu puru bollu biri beni ita totu ddui at. Agoa m' iat a praxi a pesai una bella arrexonada innoi etotu asuba de totu custas cosas.
a si biri mellus. |
| carlton |
Inserito il - 07/05/2009 : 10:27:54
Gratzias Arthacan.
Intzandus est sa grafia italiana apricada a su sardu. Si tocat a scriri "domus de gianas"... bah. Po mei personalmenti est una delusioni. M'iat a praxi a ndi kistionai a pitzus de is arrexonis de custus scioberus.
Aici comenti tengu curiosidadi meda de sciri cali funt is normas po criai noulogismus.
A s'intendi mellus |
| Arthacan |
Inserito il - 07/05/2009 : 01:31:30
s'agatat in libureria, po chini ddu bolit comporai:
http://www.servizibibliograficisard...-47-5&ver=it
|
| Arthacan |
Inserito il - 07/05/2009 : 01:27:45
| carlton ha scritto:
Beni meda Perdu! 
Custu s'at a serbiri meda in sa faina ki seus fendi cun su progetu SardFox. Candu at a essi, dd'as a ponni ainnoi puru un'acàpiu po scarrigai su libureddu?
Una pregunta: in custa norma no s'imperant ni sa J (in logu de -gi-) ni sa K (ki/ke)? Sa D cacuminali in is pronòminis "dda,ddu", segundu sa norma, comenti bolit scrita?
|
Perdu est sconcau e incapas est passau, at lassau cosa, ma no at lìgiu..
Deu is arregulas no ddas apu ancora bias, ma iat a depi essi pròpiu aici comenti ses narendi tui. Sa J s'imperat sceti in logu de semivocali, duncas in fueddus che eja, maju, messaju et similia.
Sa k no s'imperat.
Su sonu cacuminali bolit scritu cun DD.
Sa presentada de Milia innoi apitzus est scrita sighendi sa norma, duncas podis cumentzai a biri tui etotu comenti est sa cosa..
ciau
|
| Perdixeddu |
Inserito il - 05/05/2009 : 21:29:39
Provìntzia de Casteddu
Comitau Scientìficu po sa normalisadura de sa bariedadi campidanesa de sa lìngua sarda
ARRÈGULAS PO ORTOGRAFIA, FONÈTICA, MORFOLOGIA E FUEDDÀRIU DE SA NORMA CAMPIDANESA DE SA LÌNGUA SARDA
Alfa Editrice
INTRODUTZIONI
Sa lìngua sarda, che a medas lìnguas de is natzionis sena de stadu (connotas puru comenti minorias linguìsticas), no at fatu ancora totu su tretu stòricu suu e duncas si-ndi depit ancora scabulli de unus cantu barrancus mannus e, paris, si depit procurai is ainas chi ddi serbint po chi dda potzant imperai totus e po chi potzat setzi impari a is àteras lìnguas mannas de is stadus.
Is problemas chi sa lìngua sarda si depit farcai, custu ddu sciint totus, funt: su partzimentu de sa Lìngua e s’aunitzamentu de s’ortografia.
Ca funt problemas antigus nemus podit nai ca no. Tocat sceti a ligi is fainas in Sardu, antigas o noas, pagus o medas. Totus tenint un’ortografia diferenti e donniuna imperat una lìngua sua chi, mancai in pagus cosas, si stèsiat de s’àtera.
Ca custus problemas is Sardus ddus portant in su coru e ca fatu-fatu bessint a pillu nemus, a su pròpiu, podit nai ca no. Difatis, cantu bortas eus intèndiu pregontas che Cali lìngua sarda? Comenti tocat a ddu scriri su Sardu?
Ca funt problemas berus nemus tenit dudas. Difatis, lompendi custas pediduras a sa realidadi de s’Istitutzioni nosi pregontaus: Cali Sardu at a imperai sa Provìntzia de Casteddu po sa faina sua, duncas po scriri delìberas, duncas po si fai cun sa Regioni, cun is àteras provìntzias de sa Sardìnnia, cun is Comunus, cun sa genti e cun is scolas de sa provìntzia de Casteddu?
Imoi, in su connotu su problema de imperai una lìngua aguali po totus forsis no fiat aici forti de indulli a chini podiat de agatai una solutzioni, ma oindii sa chistioni no podit essi stesiada a àtera dii. S’abisòngiu de oi acapiau a su traballu chi depit fai s’Istitutzioni (e torreus Comenti at a scriri sa Provìntzia de Casteddu?) o sa Scola (Is studiantis de Casteddu e de Cabuderra ant a scriri a sa matessi manera?), po intrai in duas chistionis sceti aundi s’imperu de su Sardu est sèmpiri prus pediu, nosi ponint a donai arrespusta luegus a su problema nostu bèciu de sèculus.
Un’arrespusta conca a innia nosi-dda donat su Comitau Scientìficu chi at scritu su traballu presenti 'Arrègulas po ortografia, fonètica, morfologia e fueddàriu de sa Norma Campidanesa de sa Lìngua Sarda'.
Est una proposta chi fait contu de sa realidadi, chi iat a bolli nai de su tretu stòricu chi est faendi oindii sa Sardìnnia in sa chistioni de sa Lìngua. Duncas no circant una lìngua artificiali de fai nasci in laboratòriu, comenti po malasorti megant de circai de fai de unu tretu de tempus in Sardìnnia.
Po contras in is Arrègulas s’agatat po primu cosa ca sa Sardìnnia no est lòmpia ancora a un’aunitzamentu de sa Lìngua e duncas sa Lìngua sarda est mancai una, ma a duas (macro) bariedadis diatòpicas (diasistemas sintzillus etotu) e literàrias chi tenint - e depint tenni - sa matessi dinnidadi: su Campidanesu e su Logudoresu.
Insandus su lìburu proponit, po primu cosa, s’arreconnoscimentu de is duas macrobariedadis, e po segundu cosa, abarrendi in su Campidanesu, proponit una Norma campidanesa, cun arrègulas, comenti narat su tìtulu, po s’ortografia, sa fonètica, sa morfologia e su fueddàriu de su Campidanesu.
Ma de cali Campidanesu fueddat su Comitau Scientìficu? Forsis ca sa fueddada campidanesa puru no est partzia in medas e medas dialetus? Est berus, ma acanta a custus dialetus s’est stantargiada in is sèculus, gràtzias a su traballu sena de pàsiu de is Cantadoris unu Campidanesu literàriu, chi, a nai, no est de peruna tzitadi o bidda, ma chi totus is Sardus de su Cabu de Bàsciu cumprendint, aprètziant e portant che a espressada insoru in forma e in sustàntzia literària. Est custa sa fueddada, chi si podit nai chi setzat prus in artu de totus is dialetus, chi su Comitau Scientìficu proponit e chi podit fai cuncordai a manera discansosa totu is Campidanesus, ca cun custa faina no proponint sceti s’apretziamentu de un’arrichesa linguìstica e literària manna ma puru sa lìngua nosta de bartzolu chi eus sèmpiri disigiau e a bortas surrungiau.
Graziano Milia
Presidenti de sa Provìntzia de Casteddu
 |
| Perdixeddu |
Inserito il - 05/05/2009 : 20:55:34
pigau de http://www.capoterra.net/news_singo...p?IDNews=989
Conferenza stampa di presentazione dell'associazione Acadèmia de su Sardu onlus
23 aprile 2009 - Venerdì 24 aprile 2009 alle ore 10, presso la Casa dello studente, sala Maria Carta, in Via Trentino a Cagliari, si terrà la presentazione dell'Associazione "Acadèmia de su Sardu onlus".
L'Acadèmia de su Sardu onlus
L'Acadèmia de su Sardu onlus è un'associazione nata a Cagliari il 2 gennaio 2009. I soci fondatori sono 46. Oltre a Oreste Pili (Presidente dell'Associazione) e Tonino Bussu (ex sindaco di Ollolai, Vice Presidente), vi sono numerose personalità legate alla lingua e alla cultura sarda, come Eduardo Blasco Ferrer (ordinario di linguistica sarda nell'Università di Cagliari), Amos Cardia, Paolo Zedda, Antonio Pani, Maria Marongiu, Vittorio Pinna, Franca Marcialis, Oliviero Nioi.
Insegna dell’Acadèmia sono le due mezze maschere, rappresentanti a sinistra quella dei mamuthones, a destra quella de su componidori
Motto dell’Acadèmia è:
de su pagu, pagheddu
dae su pagu si faghet su meda.
Le due mezze maschere rappresentano la metafora della lingua sarda che è costituita indissolubilmente dal Logudorese e dal Campidanese, che sono le macro varietà dalle quali bisogna partire se si vuole arrivare ad uno sviluppo democratico della lingua sarda.Infatti l’Acadèmia ritiene la Lingua sarda una lingua con due macrovarietà diatopiche (veri e propri diasistemi) e letterarie, il Campidanese e il Logudorese, che hanno, e devono avere, la stessa dignità, per cui di seguito termini quali Lingua sarda o sardo indicano le due varietà o argomenti comuni alle stesse (art 3); Tra le finalità perseguite dall’Acadèmia senza fini di lucro, anche indiretto, ed esclusivamente per fini di solidarietà, sono:
attivare studi scientifici afferenti a tutti i settori della Lingua sarda;
elaborare, proporre e realizzare gli strumenti indispensabili affinché il sardo stia sullo stesso piano delle altre lingue nazionali, tra i quali:
a) uno standard della Lingua sarda con due norme scritte e orali (la norma del Campidanese e la norma del Logudorese);
b) l’Ufficio Nazionale della Lingua sarda preposto a divulgare, anche con appositi corsi di lingua, lo standard con due norme;
c) l’Ufficio per la Certificazione del Sardo standard (lett. a presente c. 2. 2);
d) l’Atlante Linguìstico Sardo;
e) i Dizionari locali e il Grande Dizionario della Lingua Sarda;
f) testi nello standard con due norme (lett. a presente c. 2.2), ad uso didattico, giuridico, religioso, burocratico, giornalistico;
attivarsi per promuovere il diritto allo studio della Lingua sarda attraverso la pianificazione e la costituzione nelle principali città della Sardegna dei corsi di laurea in sardistica, indispensabili alla formazione degli insegnanti di Lingua e letteratura sarda e alla loro inclusione in apposita graduatoria per l’accesso al ruolo nella scuola pubblica;
attivarsi affinché Radio, TV e altri mass media di Enti pubblici (come per esempio la Rai) e privati, organizzino e diffondano programmi in Lingua sarda;
promuovere un intervento giuridico ogni qualvolta vengano violati, in tema di Lingua e cultura sarda, Diritti, Risoluzioni, Leggi e Norme vigenti, sia di carattere nazionale, sia internazionale;
attivarsi affinché in tutta la Sardegna venga applicato il bilinguismo, cioè l’uso di due lingue diverse – il sardo e l’italiano – in condizioni di parità;
l’Acadèmia ritiene che il bilinguismo debba essere applicato:
a) in tutte le scuole di ogni ordine e grado della Sardegna, incluse le università, sotto il profilo didattico (nel senso che la Lingua sarda divenga materia curricolare), veicolare e burocratico;
b) nelle assemblee elettive, come Consigli comunali, Consigli provinciali, nel Consiglio regionale e in altri consigli, sotto il profilo veicolare e burocratico;
c) nei tribunali, sotto il profilo veicolare e burocratico;
d) nella Chiesa, sotto il profilo veicolare e burocratico;
e) nelle radio, TV e altri mass media pubblici, sotto il profilo veicolare e burocratico;
f) in altre strutture pubbliche quali camere di commercio, uffici catastali, ospedali, carceri, ecc. sotto il profilo veicolare e burocratico;
attivarsi affinché la Lingua sarda venga pienamente riconosciuta da parte dello Stato e dell’Unione Europea; attivarsi affinché la Lingua sarda possa diffondersi anche fuori dalla Sardegna ed essere studiata nelle scuole ed università extra Sardegna dove vi è una numerosa presenza di sardi;
Il raggiungimento delle finalità tecnico – scientifiche di cui sopra sono affidate al Collegio Scientifico (Boddeu Scientìficu).
Il manifesto
Capoterra Punto NET |
| carlton |
Inserito il - 30/04/2009 : 15:54:29
Beni meda Perdu!
Custu s'at a serbiri meda in sa faina ki seus fendi cun su progetu SardFox. Candu at a essi, dd'as a ponni ainnoi puru un'acàpiu po scarrigai su libureddu?
Una pregunta: in custa norma no s'imperant ni sa J (in logu de -gi-) ni sa K (ki/ke)? Sa D cacuminali in is pronòminis "dda,ddu", segundu sa norma, comenti bolit scrita? |
| Perdixeddu |
Inserito il - 29/04/2009 : 23:50:00
a chitzi eus a spainai (diffondere) su libureddu de su standard sardu - norma campidanesa.
est unu traballu chi deu e atrus 10 eus pesau in giai giai 3 annus de stùdiu de su campidanesu chi is cantadoris, scriidoris etc etc ant sèmpiri imperau, duncas, no eus imbentau nudda ma eus pigau sceti su connotu.
ddoi at s'arreforma ortogràfica, polìtica linguìstica, totu sa parti de agetivus, verbus etc e unus 20 pàginas de cumenti pesai is fueddus, cun totu is essemprus de sufissus, prefissus...
|
| Arthacan |
Inserito il - 27/04/2009 : 14:57:21
UN’ACADÈMIA PO SU SARDU
Un'artìculu de Màssimu Madrigale asuba de sa presentada de custa cenàbara de s'assòtziu 'Acadèmia de su sardu onlus':
Aici comenti dònnia lìngua tenit s’acadèmia cosa sua, est lòmpia s’ora chi su Sardu puru tengat sa sua. De imoi, est a nai de su 24 de Abrili de su 2009, dii de sa cunferèntzia de imprenta e primu presentada ofitziali de s’Acadèmia de su Sardu onlus, cust’arrexonamentu no est prus pantascèntzia ma s’arrealidadi de unu bisu, s’inghitzu de unu tretu chi depit fai lompi su pòpulu sardu intreu a su bilinguismu. In sa presentada de su 24 de Abrili in s’Aposentu Maria Carta de sa Domu de su Studianti de Casteddu ant chistionau Oresti Pili (Presidenti), Tonino Bussu (Visu-presidenti), Carmen Campus e Franca Marcialis de su Diretivu. In cus’atòbiu nci fiant assumancus unus centu personis: genti sètzia, genti stantàrgia, giòvunus e prus pagu giòvunus bènnius de dònnia parti de sa Sardìnnia. Oresti Pili no tenit abisòngiu de essi presentau, scieus totus chini est, ita at fatu po sa Sardìnnia e cali batallas curturalis de importu mannu at fatu po sa defensa de sa lìngua sarda. Chistionendi de s’Acadèmia at nau chi cust’assòtziu est nàsciu gràtzias a prus de coranta sòtzius fundadoris de totu sa Sardìnnia (professoris e professoras, maistus e maistas, oberadoris de sa lìngua sarda, polìticus de dònnia partidu e de dònnia comunu e provìntzia, giòvunus e bècius), totu genti aunia de s’amori po sa lìngua nosta, po fai de manera chi in Sardìnnia su Sardu potzat essi lìngua ofitziali, imperau in dònnia e calisisiat logu. Sighendi a chistionai at inditau is tentas de s’Acadèmia, assòtziu chi at a portai a innantis duas chistionis: una curturali e una polìtica, ca sa batalla po sa lìngua est una batalla polìtica. Oresti at nau chi su tempus de su bolontariau est acabau e chi de imoi a innantis tocat a pesai una genia de maistus e professoris de Sardu e de professionistas po is portalitus de sa lìngua sarda, ca depit acabai sa polìtica linguìstica a sa trallallera chi eus biu finsas a calincunu mesi a oi. Sa manera mellus po cumentzai custu tretu nou est de cumentzai de su Sardu chi teneus est a nai de su Sardu connotu de sa comunidadi scentìfica mundiali: su campidanesu e su logudoresu, po lompi agoa, de manera naturali, a unu Sardu auniu chena de ponni is sardus a certai s’unu cun s’àteru.
A sighiri s’ollolaesu Tonino Bussu (e issu puru no tenit abisòngiu de essi presentau ca fiat su primu sìndigu indipendentista elìgiu in Sardìnnia). Tonino at nau chi cosa de fai nci nd’at meda, chi su tretu est longu, prenu de barrancus, ma a s’acabu sa lìngua nosta at a otenni su matessi arreconnoscimentu ofitziali chi tenint is atras lìnguas (est chistioni de tempus sceti). Prexau de biri meda giòvunus a sa presentada (nci fiat finsas una crassi intrea de su Liceu Dettori de Casteddu bènnia apostadamenti a sighiri cust’atòbiu stravanau).
Carmen Campus chi fait parti de su Diretivu de s’Acadèmia, at arregordau chi aintru de sa Scola ddoi at ancora genti tostorruda, tostaus a cumprendi chi su Sardu in scola est unu deretu de is pipius e de is piciocheddus sardus. At fatu sa proposta de sterri luegus una graduatòria de is imparadoris de Sardu chi depint tenni (in prus de sa laurea) assumancus su master universidàriu de Sardu, ca ddoi at ancora tropu genti chena de cumpetèntzias.
At acabau sa cunferèntzia de imprenta Franca Marcialis (issa puru de su Diretivu), chi at arregordau chi candu iat cumentzau in is annus otanta a imparai su Sardu a is pipius no nci fiant leis asuba de sa didàtica de su Sardu e de comenti siat de importu mannu a adelantai una didàtica po s’imparu de sa lìngua nosta.
Agoa est sighiu unu dibatu de importu mannu cun is interbentus de Màriu Puddu (chi luegus at a presentai sa gramàtica de Sardu cosa sua), Micheli Podda, Vitòriu Pinna, Ivo Murgia, Marco Sitzia, Donatella Nardi e Oliviero Nioi e de duus consilleris provintzialis chi ant pigau parti a s’assòtziu narendi chi sa Provìntzia de Casteddu no si-nd’est scarèscia de sa lìngua nosta e chi at a aberri s’ofìtziu de sa lìngua sarda innantis de acabai sa legisladura.
Is acabus de Oresti Pili po acrarai, ancora una borta, chi sa norma de su Sardu est e depit essi su Sardu literàriu, chi est su Sardu imperau de millannus de is cantadoris/es in is pratzas de sa Sardìnnia. Difatis Pili at nau chi su Comitau po sa normalisadura de sa bariedadi campidanesa de sa Lìngua Sarda at acabau e fatu giai imprentai sa Norma campidanesa de su Sardu standard e luegus s’at a fai sa presentada. In prus Oresti Pili at ghetau su bandu po inghitzai sa Norma logudoresa.
Màssimu Madrigale
tratto da:
http://ivomurgia.splinder.com/post/20411919
|
| ittadananta |
Inserito il - 21/04/2009 : 17:34:52
Bellu!!! |
| Perdixeddu |
Inserito il - 19/04/2009 : 20:50:24
| carlton ha scritto:
Gratzias meda Perdixeddu, custa noa mi prenit de spera 
Po prexeri, ki eis a pesai unu jassu web, poniddu s'acapiu innoi puru, gratzias!
|
sa cosa chi mi seu scarèsciu de nai est chi a ddu fundau funt stètius unus 40 fèminas e òminis sardus, de totu sa Sardìnnia! e duncas, no unu assòtziu "a conduzione familiare", ma genti meda chi at detzìdiu de si movi po tenni su sardu cumenti a lìngua ofitziali
su giassu ddu depeus pesai a chitzi, nci seus traballendi giai
custu est su siddu de s'assòtziu
 |
| carlton |
Inserito il - 17/04/2009 : 08:20:13
Gratzias meda Perdixeddu, custa noa mi prenit de spera
Po prexeri, ki eis a pesai unu jassu web, poniddu s'acapiu innoi puru, gratzias! |
|
|
Tutti i Forum
nàscia s'Acadèmia de su Sardu
