| V I S U A L I Z Z A D I S C U S S I O N E |
| Albertina |
Inserito il - 15/02/2008 : 19:49:59
Trallallerus po sa coia de filla mia
( compostus de Chiara Orrù in s’occasioi de sa coia de sa filla )
Dopu tanti trumentu
fui meda preoccupada,
Has biu, filla mia,
sa dì est’arribada.
In pompa manna e prexiu
mi ndi pesu de chizzi
poita ca in domu mia
c’est u sposaliziu.
Su sposaliziu eis fattu
oi de amengiau
ananti de Gesù Cristu
gei dd’eis confermau.
Impari cun su sposu
in s’altari hanti giurau
e in custa sacra unioi
nemus pongia mau.
Su coru miu è cuntentu
no ddu potzu negai
tanti bona fortuna
si ollu augurai.
Si ollu augurai
unu mundu de amori
chenza de nixuna
lagrima de dolori.
Si fazzu cun su coru
is augurius prus mannus
bivendu sempri impari
sa vida senza de dannus.
Ita bellus sposus
no mi ndi potzu stai
sa paxi in domu de osatrus
depidi arregnai.
De coru u trallalleru
cantu po filla mia
poita ca ha lassau
sa vida de bagadia.
Ancora in domu mia
dd’iapess’offia tei,
ma è mellus coiada
po issa e po mei.
Cun dd’unu nebodeddu
gei m’appa consolai
candu mi zerriada nonna
gei dd’appa carinniai.
Ringraziu poi de coru
tottu sa cumpangia
chi oi è stettia accanta
po sa coia de filla mia.
Su cantu appu finiu
andaus a brindai
e poi tottus impari
sigheisì a spassiai.
|
| 15 U L T I M E R I S P O S T E (in alto le più recenti) |
| Albertina |
Inserito il - 04/07/2008 : 11:47:24
Su muccadori ‘e Olanda
ddu spraxiu in sa cadira
si mi bollis domanda
no passis mira mira.
Bella sa mata de lilla
e bella sa mimosa
e si depu fai sciri
ca mi seu fatta a isposa.
Sposa mia ses bella
e puru cumpraxenti
prus de sa folla de arrosa
sa cara tua è lucenti.
Su sobi c’è cabau
a pabas de su monti
su sposu miu no est principi
e no esti mancu conti.
Pigu sa scivedda
e mi pogiua cummossai
de custu sposu miu
no mi ndi potzu stai.
Candu su bentu suada
est’ora de bentuai
s'edadi est’arribada
mi pongiu a fastiggiai.
|
| UtBlocc |
Inserito il - 20/03/2008 : 06:01:23
In s'oro e su mare
mi ch'el rutu s'aneddu
s'innamoradu meu
el boltende su cherveddu
trallallera......
A riu o bellu a riu
lassademi passai
de vidi a cori miu
no mi ne possu istai
trallalera....
Si Santu eremitanu
cristiona cun s'istella
su chelu de beranu
lughe che madreperla
trallallera...
Nascintis pippieddu
candu cantai sa zonca
si mi ponzu a faes caddeddus
nascintis senza conca
trallallera...............
|
| Albertina |
Inserito il - 17/02/2008 : 21:54:36
| farris paolo ha scritto:
albertina ti domandu unu praxeri mi da faisa una poesia po napodi miu ti ringraziu sesi sa mellusu ciao
|
Scusamidda, Paulu, ma ariseu no cumprendia itta obessisti nai cun custu "napodi". Poi liggendu attrus post appu biu sa fotografia de un bellu pipieddu cun sa berritta e appu nau: " Eccusu, custu esti su nebodeddu de Paulu!!!"
A Paulu in augurius
ddi fadeus po su nebodi:
chi cresciada mannu e bonu
e in sa vida potza godi.
|
| Nuragica |
Inserito il - 16/02/2008 : 18:19:02
| Albertina ha scritto:
Sì, ddus adi cantaus sa dì de sa coia de sa filla.
Anda bei, Nurà?
|
Anda benissimu Tinuccia,  |
| Albertina |
Inserito il - 16/02/2008 : 18:16:12
| Albertina ha scritto:
Sì, li ha cantati il giorno del matrimonio della figlia.
|
Sì, ddus adi cantaus sa dì de sa coia de sa filla.
Anda bei, Nurà? |
| Nuragica |
Inserito il - 16/02/2008 : 17:42:52
| Albertina ha scritto:
Ma castiaisidda!!! Meno mali ca c'est Nuragica!!!
|
Mi a Tinuciaaaaaa .. Ojaa mindi seu screscia de zironiai a tui puru,
imoi mindi seu acatada ca tui puru iasta iscritu in italianu.. 
Incantos intantis ha fatu sa penitenzia e m'adi mandau sa curretzioni in limba  |
| Albertina |
Inserito il - 16/02/2008 : 17:38:42
| Nuragica ha scritto:
bellusu is tralllalleroso...
ma ita si seis postasa de acordiu po chistionai totusu in italianu!!
E tui Ela!! sa moderadora.. bell'esempiu chi onasa..
|
Ma castiaisidda!!! Meno mali ca c'est Nuragica!!! |
| Nuragica |
Inserito il - 16/02/2008 : 16:10:20
Incantos intantis ca sesi ingenugada in su cixiri torramia a iscriri totu in limba aici ti sistemu totu deu..
Po Ela , po cust'ota bastada su cinixiu, a sa prossima zironia lucidada a friscu
|
| farris paolo |
Inserito il - 16/02/2008 : 15:07:21
albertina ti domandu unu praxeri mi da faisa una poesia po napodi miu ti ringraziu sesi sa mellusu ciao |
| Incantos |
Inserito il - 16/02/2008 : 14:43:21
Oja dognia tanti mi frigada custa sezioni! 
Imoi non pozzu prusu curregi... però mi pozzu ingenugai in su cixiri |
| Ela |
Inserito il - 16/02/2008 : 13:52:31
| Nuragica ha scritto:
bellusu is tralllalleroso...
ma ita si seis postasa de acordiu po chistionai totusu in italianu!!
E tui Ela!! sa moderadora.. bell'esempiu chi onasa..
|
 |
| Nuragica |
Inserito il - 16/02/2008 : 13:37:54
bellusu is tralllalleroso...
ma ita si seis postasa de acordiu po chistionai totusu in italianu!!
E tui Ela!! sa moderadora.. bell'esempiu chi onasa.. |
| Albertina |
Inserito il - 15/02/2008 : 20:38:06
Sì, ddus adi cantaus sa dì de sa coia de sa filla. |
| Incantos |
Inserito il - 15/02/2008 : 20:18:23
Penzu chi ddus'happa cantausu..
Meda bellusu!!!  |
| Ela |
Inserito il - 15/02/2008 : 20:00:56
Meda bellixedda Albertina....ma dadi cantada a "Trallallero?"
Appu curregiu poita non mindi fia accattada ca furiada in sa sezioi de limba!!!!!! |
Tutti i Forum
Trallalleros po sa coia de sa filla
