| V I S U A L I Z Z A D I S C U S S I O N E |
| pilicanu |
Inserito il - 03/11/2008 : 19:09:56
tantu tempus faghed nonnu meu mi cantaiat custa bella poesia in sardu. Tia cherrer ischide chi est s'autore, si l'ischides...e pro sos pius bravos, sa risposta chi hat dadu sa pizzinna. Meda grascias a tuttu.
In su sole sos ossos riscaldende
cominzende su frittu a li passare
fit unu ezzu quasi dormende
senza pode't su sonnu assigurare
Abberi s'oju e bie't passende
una bella pizzina de ammirare
a bucca s'est pigadu dido nende:
"ah si podia a piseddu torrare" ?
e cun sos'ojos a s'abberi/tanca
la fissa 't finamentas a isparire
a destra isquadrendela e a manca
fit pili brundu e cun s'arva bianca
rifletti 't ga non podet convertire
tanca't s'oju e si torrat a drommire |
| 15 U L T I M E R I S P O S T E (in alto le più recenti) |
| Lorenzo B |
Inserito il - 27/05/2009 : 14:25:09
podet sichire in custa manera
e mentres chi si dormit in sa linna
unu carignu sentit a su nasu
e in laras l'arribat unu basu
semper de sa medesima pizinna |
| pilicanu |
Inserito il - 13/11/2008 : 18:03:28
so inoghe pro tennet una risposta... |
| cat-erpillar |
Inserito il - 12/11/2008 : 23:24:27
....bi manca sì! e sa chi b'est no est mancu tantu affilada |
| pilicanu |
Inserito il - 12/11/2008 : 21:22:47
Iscisademi si pos'abbo fattu attendere, ma a narrer sa veridade fia chirchende de mi l'ammentade 'ene...ma penso propriu de non besse't resassidu comunque sa risposta faghiad goi (pro me bei mancat calchi frase)
Risposta 'e sa pitzinna
Comente mai una frisca rosa
una pianta sicca at germogliare
eppad' oraziones de l'asare
como c'est accantu a ch'essere in sa losa
cando fit'issu in su mare 'e su gosu
ga mancu in mente e deus deo non fia
gia mi l'ispasso sa bella pizzinnia
cando so cun s'amadu meu isposu
tziu non chirched piùs pitzinnia
tanched s'osgiu e drommat cun reposu
|
| cat-erpillar |
Inserito il - 09/11/2008 : 09:15:51
...proamus a dare sa risposta de sa pizinna? |
| pilicanu |
Inserito il - 08/11/2008 : 21:47:54
appo fattu sa primma quartina
ma no mi enid sa rima
pro sa serrada 'e su sonetto |
| cat-erpillar |
Inserito il - 06/11/2008 : 22:32:10
....no est chi sa risposta deve galu naschìre? |
| Tzinnigas |
Inserito il - 06/11/2008 : 22:19:08
Seu meda curiosu...e interessadu a sa risposta. Medas grazias! |
| pilicanu |
Inserito il - 06/11/2008 : 22:02:22
anda bene Bakkis no est suzzessu nudda. Grazie Tzinnigas...sighimi e asa a legger sa risposta de sa pitzinna ciao
Pilicanu |
| Tzinnigas |
Inserito il - 06/11/2008 : 21:48:23
| Tzinnigas ha scritto:
Su sonette este de Antoni Cubeddu ... " Disizzu de unu Ezzu"
In su sole sos ossos iscaldende,
cuminzende su frittu a si cazzare,
fit unu ezzu quasi dormende
senza podr su sonnu assigurare
Aberit s'oju et bidet passizende
una pizzinna bella 'e ammirare
e si lat su did a mossu nende:
"Eh, si podia a piseddu torrare!"
E cun sos ojos a s'aberi - tanca
la fissat finamente a isparire,
a dresta isquadrendela e a manca.
Bidende chi non podet cunvertire
in pilu brundu un'arva chi at bianca,
tancat s'oju e si torrat a dormire.
|
In su documentu miu non chistionat de riposta de una pizzinna. |
| bakkiseddu |
Inserito il - 06/11/2008 : 21:32:06
| pilicanu ha scritto:
Mira chi s'indovinzu est su continuu de su sonette iniziale, quindi no penso propriu de nde aed mai chistionadu, sa risposta a su sonette de su ezzu no l'hat dada ancora niunu. Inserinde un'atera poesia azis deviadu su discursu
Pilicanu
|
forzisi mi so ispiegadu male deo.... o no haia cumpresu ene.
haimis già chistionadu de "bonas dies comare", sa risposta mia e s'ispiegazione fi rivolgida a cussu e no a "su ezzu dormende".
ti pedo iscuia. bakkiseddu. |
| pilicanu |
Inserito il - 06/11/2008 : 21:15:55
Mira chi s'indovinzu est su continuu de su sonette iniziale, quindi no penso propriu de nde aed mai chistionadu, sa risposta a su sonette de su ezzu no l'hat dada ancora niunu. Inserinde un'atera poesia azis deviadu su discursu
Pilicanu |
| bakkiseddu |
Inserito il - 04/11/2008 : 12:33:19
custa este sa soluzione:
un omime ses' coiuadu cun d'una 'attia chi teniada già unu fizzu dae su primu maridu. custu pizzinnu s'este coiuadu cun sa mama de cust'omine.
cust'omine tenede unu fizzu cun s'attia.ecco chi è connadu e nepode a sa mama de cust'omine chi lu ninnada,ei s'attia este sa sogra e sa nura de issa e tottu.
* attia = vedova
comunque nde aimisi già chistionadu
http://www.gentedisardegna.it/topic...OPIC_ID=9007 |
| Tzinnigas |
Inserito il - 04/11/2008 : 10:53:19
S'indovinzu este un'atera: este de Giomaria Masala de Giave.
«Bonas dies, comare,
e comente sas dies bos passades?
Bos cherzo preguntare:
de chie est su pizzinnu chi ninnades?
Ca eo non l’ischia,
pro cussu preguntare bos cheria».
«Comare mia, oddeu!
de ite cosa m'hazis preguntadu:
fizu est de fizu meu,
frad'a maridu meu e m'est connadu,
e istimadu forte,
m'est nebode e connadu fin'a morte». (?)
Dezzidemi in cust'hora
battor coros ch'a Deus hant unidu:
fìt a sa ninnadora
fìzu ‘e fìzu e frade a su maridu;
a sa chi preguntesit
de custa positura li narzesit.
De custa positura
li rispondet però sa veridade:
fit a sa criatura
donna manna e connada dai frade
e de s’amare insoro
fint chimbe, e cumpariant unu coro.
De s'insoro istimare
parian esser tot'una persone
proite fint intr'e pare,
totos chimbe tot'una nassione;
funzione gasie
non nde podet suzzeder ogni die!
S'istivinzu est ladinu
pro chie bei ponet sa figura;
sa mama 'e su bambinu
fit a sa onnamanna sogra e nura,
chenza b'haer offensa
de perunu peccadu e ne dispensa.
Dispensa non b'hapesit
ne disingannu de mala manera:
su fìzu chi naschesit
fit de babbu e mama verdadera,
senza esser aerradu
l'hant in Santu Ainzu battizadu,
L'hant in Santu Ainzu
battizadu in sa cheja sos padrinos.
Suzzess'est s'istivinzu,
già nde so dende sos passos ladinos,
non la fattedas faula
ch'est giusta veridade ogni paraula.
Finis chie hat talentu
chi dezzidat de custu su derettu,
s'avanzo s'argumentu
est a ischire totu su secretu,
e da chi si secretat
in s'affare nisciunu non penetrat.
|
| Tzinnigas |
Inserito il - 04/11/2008 : 10:28:35
Su sonette este de Antoni Cubeddu ... " Disizzu de unu Ezzu"
In su sole sos ossos iscaldende,
cuminzende su frittu a si cazzare,
fit unu ezzu quasi dormende
senza podr su sonnu assigurare
Aberit s'oju et bidet passizende
una pizzinna bella 'e ammirare
e si lat su did a mossu nende:
"Eh, si podia a piseddu torrare!"
E cun sos ojos a s'aberi - tanca
la fissat finamente a isparire,
a dresta isquadrendela e a manca.
Bidende chi non podet cunvertire
in pilu brundu un'arva chi at bianca,
tancat s'oju e si torrat a dormire. |
Tutti i Forum
Ammentos de pizzinnu. Indovinzu
