Nota Bene: In alcuni paesi dell'OGLIASTRA , in un passato non tanto lontano, si confezionava e mangiava un raro PANE DI GHIANDE. Le ghiande, opportunamente tostate e macinate, erano mescolate con argille, che ne moderavano l'acidità ed il sapore allappante. Questo tipo di pane viene collegato da alcuni studiosi a riti magico-propiziatori che prevedevano la "geofagia", ovvero l'ingerimento di terra, ma e' stato probabilmente conservato anche per l'atavica penuria alimentare che affliggeva i poveri delle popolazioni dell'Interno.
Nota: Devi essere registrato per poter inserire un messaggio. Per registrarti, clicca qui. La Registrazione è semplice e gratuita!
V I S U A L I Z Z A D I S C U S S I O N E
campidano
Inserito il - 05/10/2011 : 14:57:38 Uffff.... esti de meda ka dd'obia postai...balla m'indi seu liberau
SU TRODDIU
Su tròddiu no est unu murrùngiu e no est nemancu unu lamentu. Est sceti unu sùlidu de bentu chi no lassa mrecu e no lassa bùngiu.
Est proletàriu e est arricu, est papali e cardinalìtziu. No est pecau e no est vìtziu, du fait su pilloni e du fait su burricu.
Est delicau candu du fait su pipieddu e cussu de sa signorina dengosa, no tenit fragu de lillu nè de arrosa, prus garbosu, intzaras, si porit nai: pireddu.
Porit essi silentziosu fintzas a parri bregungiosu. Porit fai sonu de sulitu o de trumbita e tenni fragu de cipudda frita.
Candu est forti e groriosu fait sonu de trumba o de trumboni, ma candu est prus potenti e prus fragosu che in batalla, assimbillat a su cannoni!
No est tundu e no est nemancu quadrau, no est de destra e no est de sinistra; du fait su bastàsciu e du fai s'artista a bortas si fuit chentz'essit prima pensau.
Bessit de culu pòburu e bessit de culu arricu, no arrespetat logu sacru o scunsacrau e mali abarras candu nanta chi ti ses cagau, si a pustis totus ti càstiant s'impàciu no est piticu.
Porit incàpitai chi no arribit a s'origa, ma sa càriga sempri scida e atenta s'acatat chi est prus zrùfuru che amenta, chi cosa noa no est ma connoscèntzia antiga
Su tròddiu est sa boxi de una brenti impentzamentara, de unu matzàmini tristu e afrigiu, de unu pertusu befianu e sbregungiu. Su tròddiu est su preavisu de una bella cagara.
Brullanu e gioiosu, no de raru fastidiosu, amigu a bortas traitori, ma sempri, sempri, sempri liberadori.
8 U L T I M E R I S P O S T E (in alto le più recenti)
Foghile
Inserito il - 14/10/2011 : 22:50:14
Verosardo ha scritto:
Messaggio di campidano
Uffff.... esti de meda ka dd'obia postai...balla m'indi seu liberau
SU TRODDIU
Su tròddiu no est unu murrùngiu e no est nemancu unu lamentu. Est sceti unu sùlidu de bentu chi no lassa mrecu e no lassa bùngiu.
(...)
GRANDE!!!!
dritta dritta sul Web ... commenti unu pidu a fumiettu
Inserito il - 06/10/2011 : 11:14:24 SU TRODDIU (Congiu Antonio)
Maria non cheriada troddiare e fiat tantu tempus costippada pro paura de lassare andare s’odorosa sonante troddiada pro non cherrere a sutroddiu lassare sa naturale troddona sonada e si ch’est gonfiada che pallone finas chi no a fattu unu troddone. L’appo a tantas ripresas cunsizzada de lassare su troddiu isfogare ma teniada paura a lu sonare pro no esserede iscandalizzada est che una burrica diventada a forza de tantos gas accumulare finas a cando non li a dadu isfogu e quasi a su culu postu fogu. Li nesi: “A troddiare no est virgonza, iscandalu non b’at nen disonore. Troddian s’avvocadu e su dottore ca s’isfogu a su corpu li bisonzat e troddia su parde e i sa monza su pride su rettore e Munsennore su Re, su Papa ci su Cardinale troddian che a tottus uguale. Deo chi so espertu in sa materia connosco de su troddiu s’effettu nd’appo sonadu e bettadu in segretu de ogni calibru e de ogni seria a troddiare no est cattiveria contaggiosu non est ne infettu narat unu proverbiu anzianu: “A culu troddione corpus sanu”. Si intendene troddiande una persona a tzerta zente causa sorprisa pro issu non b’a gradu ne divisa e nen distinzione ne corona. Troddia sa contessa e sa marchisa e sa dama de corte e sa barona e sa cameriera e sa tzeraca chi lu lassana andare tracca tracca. Sas chi andana a sa missa su manzanu sas preurissas e sas zirculinas senza chi l’ispiego lu indovinas si serrana sa trinza de su sottanu e sunu cun su rosariu a sa manu cantende sas lettanias divinas e lu lassana a lasinu e a s’iscusa e sun pudidas che una vuvusa. No est su troddiu unu combustibile ma pro su corpus umanu est necessariu ma si lu trattenides est contrariu gonfiades che unu dirigibile. Sonada e cantada e est invisibile est un’armoniosu istradivariu però si attraversu si collòcada istintinales disturbos provòcada. Maria se bella che una culumba ti prego non ti ponzas in infastizzu si incuminzada su male a ponnes pizzu ti consumada e ti riduidi a sa tumba. Cando de troddiare nd’as disizzu arzia s’anca e sonala sa trumba apperili sa janna chi s’iscappada e si lu nuschede a chie l’azzapada. Tue Maria si ascultasa a mie comente sempere ascultadu m’asa si gana de troddiare asa oje in die no lu trattenzasa in corpus a crasa e cando gana de troddiare nd’asa lassalu allegramente e rie rie ca est pro tene salude e recreu asculta vene su cussizzu meu.
Tizi
Inserito il - 06/10/2011 : 11:04:30 "Brullanu e gioiosu, no de raru fastidiosu, amigu a bortas traitori, ma sempri, sempri, sempri liberadori."
Campidano, bellissima custa discussioi, liberatoria....ahahahah, poesiasa romanticasa de dedicai cun sentimentu .....
Petru2007
Inserito il - 05/10/2011 : 17:53:56 Chistu fattu capittesi in Gaddura, a li palti di Lungoni, in unu sposu di chidd’anni, commu si fazìa illi stazzi, a la manera pasturina. V’erani dui sureddi, una ‘agghjana e una battìa, chi no pudìani magnà la suppa cu' la spezia, palchì suffrìani di colitti, e tandu l’appruntesini a banda un beddu padiddoni di fasgiolu tundu, cu' li taddarini. La sera, daghì si culchesini, cuminzesi la baraonda...
Intesi l’aeti a frati Truddioni Chi bedd’ampreu chi s’ani piddatu Comm’ani lu cannoni scandaddatu Dugna tiru distrui una muntagna Cannoni di cussì mancu inn’Ispagna Non n’ani almatu pa’ andà in gherra Un campanili in Inghilterra Solamenti a lu zoccu n’è falatu Di lu modu chi lu tarrenu ha trimatu Parìa luddurendi Pulchiana Alchibusgiata chi tiru di ‘agghjana Chi hani intesu lu zoccu in Sindìa Lu sparu mannu era la di la battìa Chi z’intrunesi in Pariggi di Franza Com’era carrigatu cu’ sustanza A petra farru e pulvara ingresa La Sarra di Bastìa ni l’à presa In chiddi sarri famosi ò postu un pianu E abà vi passani carruli e carrozzi Alchibusgita chi tiru ferozzi A pultà un tarrori di cussì Lu mari stesi calchi noi dì Caaddendi a sciumma alu riessu Noi dì stesi lu vappori arressu Senza cuntà l’alti brigatti Ghjà vinn’aìsi paricci discumbatti Tene chi si pisesi lu maistrali Maistrali, tramuntana e grigali Grigali maistrali e tramuntana Chi fussi di calmà la furriana Si pisesini da Golfu Lioni Chi parìani settizentu trimignoni Cun Sattinassi in mezu scatinatu Intesi l’aeti ecc,
Lorsooooon!!!! chisti cosi ...siddu chi si facini....no - si- di- ci- ni-!!!!
lorson
Inserito il - 05/10/2011 : 15:24:21
Tzinnigas
Inserito il - 05/10/2011 : 15:21:42 scetti po abarrai in tema...
Felicinu Cau, santantonesu, tenenti de is carabinierisi e poeta in su 1902 fadiat serviziu in Seddori e anci po arri aida postu custa canzoni po un’amigu su, seddoresu.
Torrau a domu Concu Peppi Sida, chi fut arendi in d’una terra attesu, agatat una pingiada ’e fa buddida e ndi pappat ses prattusu e un mesu.
Si nci buffat de inu dus cungiauis E ainci torrau un pagu a logu, si scruzzat, Si ndi tirati is istivauis e si strumapat a longu brent’a fogu.
Sa fa, cuddu inu, su calori, cun s’estibeddi chi portada asuba ddi point in corpus unu abbruxori chi ddu faint unfrai che una cuba.
E zunchiendi, cun su suori a riusu, narat a sa pobidda: “ um momenteddu, affacca s’enna e podera is pippius, Arrosedda, che ghettu un troddieddu”.
Inci lassada andai sa pidola Cun violenzia e fait unu sciarroccu E inci struma su pegus de mola E sa cadena ha segau su procu.
Zia Arrosedda “ cessu it’arrori Ca is puddasa minci asi iscaddiau Commenti candu si ettat su stori, bolendi is scrobetturas de ixinau”.
Concu Peppi, tostau de s’arrisu, depustis s’è dormiu pozzu nai tottu sciollendi is manus fendi unu isu chi si bisat torrendi a pappai.
Ma Cuncu Peppi è troppu troddioni, ma Concu Peppi è troppu mali a prei depustis chi si sazzat che unu boi, ghetat is pidolas senza ‘e lei.
Verosardo
Inserito il - 05/10/2011 : 15:11:09
Messaggio di campidano
Uffff.... esti de meda ka dd'obia postai...balla m'indi seu liberau
SU TRODDIU
Su tròddiu no est unu murrùngiu e no est nemancu unu lamentu. Est sceti unu sùlidu de bentu chi no lassa mrecu e no lassa bùngiu.
(...)
GRANDE!!!!
dritta dritta sul Web ... commenti unu pidu a fumiettu
Tutti i Forum
Su troddiu...
chisti cosi ...siddu chi si facini..
