| V I S U A L I Z Z A D I S C U S S I O N E |
| Cid576 |
Inserito il - 07/11/2013 : 10:56:07
No sciu po cali motivu ma donnya tanti tenju abisonju de kistionai in sardu... custu po mei est unu problema pueta in familia mia in sardu kistionant sceti babu e mamma e is interessus insoru funt atesu meda de is mius... tenju puru dus sorris ma ki kistionu in sardu cun issas mi sbregunjant ca pensant ca est sa lingua de is plebeus...  deu pensu ki siat una lingua troppu toga e prima de totu est sa lingua de is sardus (siant de cabasus o de cababasçu).
Imoi provu a kistionai innoi sempri ki calincuno ni tnjat gana...
Is interessus mius funtis medas: Jogus de computer, anime japonesus, filmis, telefilmis, librus (meda cussus de fantasia e fantascientzia), Sport, Logus geograficus e astrologia... podeus kistionai de totu su ki 'olleus e ki 'olles 'osatrus.... |
| 11 U L T I M E R I S P O S T E (in alto le più recenti) |
| Folkettara Dilettante |
Inserito il - 09/06/2015 : 16:55:09
| Gonariu ha scritto:
Deu chistioni sia su campidanesu chi su nuoresu, ma deu pensu ( e dd'appu nau attras bottas in custu forum) chi bisongiat a si põi de accórdiu po no pedri tottu. Sa lingua 'e sa Carta de Logu chi est intermedia tra logudoresu e campidanesu iat essi u cumprumissu bonu (o su sadru de certas biddas cumenti Tonara o Désulu chi est intermediucussu puru). Deppeus dognunu arrinunciai a cáncua cosa po srabai sa lingua, a fai cumenti naras tui chi 'ois chistionai su dialettu tu andat bei, ma cumenti sadru ufficcialli po tottu sa Sardigna bisongiat a agattai ua soluziõi chi u paghixeddu accuntentit a tottus, e cancua cosa dognunu de nosu dda deppit lassai.
|
Unu saludu a tui e a tott'is ki funti inoi de sa folkettara |
| Gonariu |
Inserito il - 24/05/2014 : 20:23:30
Deu chistioni sia su campidanesu chi su nuoresu, ma deu pensu ( e dd'appu nau attras bottas in custu forum) chi bisongiat a si põi de accórdiu po no pedri tottu. Sa lingua 'e sa Carta de Logu chi est intermedia tra logudoresu e campidanesu iat essi u cumprumissu bonu (o su sadru de certas biddas cumenti Tonara o Désulu chi est intermediucussu puru). Deppeus dognunu arrinunciai a cáncua cosa po srabai sa lingua, a fai cumenti naras tui chi 'ois chistionai su dialettu tu andat bei, ma cumenti sadru ufficcialli po tottu sa Sardigna bisongiat a agattai ua soluziõi chi u paghixeddu accuntentit a tottus, e cancua cosa dognunu de nosu dda deppit lassai. |
| Cid576 |
Inserito il - 18/05/2014 : 17:21:48
Ki 'olleus fortzai is sardus a kistionai totus una lingua fadeus su ki at fatu s'Italia cun su fiorentinu, ma deu ia'a bolli kistionai su sardu ki apu connotu de pipiu... e sigumenti totus is variedadis funtis bellas a sa stessa manera sa cosa ballit po totus.
Sa forma de iscriri podit essi unificada ma ki esti cumenti s'italianu insaras no ballit a nudda su de si diferentziai, si depeus distingui poita seus diversus in sa lingua nosta cumenti su spannyolu o su francesu.
Ki agattant arregulas de iscriri das depint insegnai a iscola a is pipius cument una lingua diferenti se s'italianu e depint kistionai puru in televisioni mellus ki tradusint is cartonis animaus... si depeus poni in conca ca po sarvai su sardu toccat a cumentzai de s'inghitzu, de is pipius. |
| Gonariu |
Inserito il - 03/01/2014 : 22:02:23
Appu líggiu sa grammatica de Antõi Lepori candu appu sighiu u cursu 'e campidanesu in su 1999 mei Quartu; Lepori est u grandu espertu de campidanesu e sa grammatica sua esti cáncua cosa de divinu, su chi a mei no mi praxit esti s'ortografia sua chi esti troppu cumplicada, nc'iat bolli cáncua cosa de prus símplixi. Po su chi appu biu, sa LSC est ua forma de logudoresu chi a sa manera 'e si mraxãis anti ciccau de impõi a is chi fueddant campidanesu. Deu intendu nai chi no est besrus chi su logudoresu (e prus de tottu su nuoresu) esti su sadru "veru" e su campidanesu est u sadru de serie B; deu no seu de accórdiu cun custa manera 'e pensai, est berus chi su logudoresu (e prus de tottu su nuoresu) esti sa forma de sadru prus accanta a su latinu, ma custu no 'oit nai chi siat sa forma prus nóbili: sa litteradura in campidanesu no teit nudda in mancu de sa in logudoresu! A mei praxit sa proposta de sa lingua de mesania chi pensu chi iat accuntentai a tottus, ma is ultras chi nci funti de ua fattti e de s'attra ant interrau custa proposta. |
| Cid576 |
Inserito il - 08/11/2013 : 15:59:03
Apu liju s'acapiu ki m'at consillau Tzinnigas, e kistionat de sa Limba sarda comuna... sa lingua sarda comuna est una cosa inventada de is politicus, ki olleus kistionai de LSC esistit jai s'italianu e de meda annus, po mei donnyunu tenit su diritu de usai sa lingua sua nisçunu mi podit liai custu diritu.
Tanti po fai unu esempiu... po mei su fueddu limba no esistit poita si narat "lingua"! |
| Cid576 |
Inserito il - 08/11/2013 : 15:37:51
Saludi a tui Maria,
Seu tropu cuntentu de intendi ca, puru candu besseus a foras, abarraus sempiri sardus e no si scaresceus sa lingua nosta.
Forza a Nugoru e a is nugoresus! |
| maria |
Inserito il - 08/11/2013 : 14:03:02
Bene benniu tra noisiDeo ti saludo dae su Belgio pero Nugoresa |
| Cid576 |
Inserito il - 08/11/2013 : 11:09:07
Saludi a tui Tzinnigas, fintzas a imo' apu kistionau pagu in custu forum poita apu tentu problemas in domu e poita cumenti apu iscritu... no apu agatau genti meda ki ddi praxit kistionai de jogus e atras cosas ki arrakedint a mei... Po su de iscriri cun littras ki segundu tui no esistint in sardu, deu no seu de acordiu, poi potzu sempri sballiai .
In medas librus ki apu agatau si narat ca sa forma "ch" in sardu podit essi iscrita cun "k", ca no c'est abisonju de iscriri is dopias in medas fueddus poita si ligint sempiri in su stessu modu, ca sa forma italiana "gi" sighida de a, u, o si depit iscriri "J", su "ci" sighiu de a, o, u si iscriri "ç" ma candu est durci cumenti sa "Je" in francesu si iscriri "x".
A mei praxit pensai ca su sardu tenit arregulas suas e no depit sighiri s'italianu (podeis puru ligi sa gramatiga de Antoni Lepori).
|
| Tzinnigas |
Inserito il - 08/11/2013 : 09:11:58
Saludi Andria...
Ti praxidi a chistionai in sardu ma mi paridi chi chistionas pagu e tottu ( ses'arribau in su forum a marzu de su duemilaedoxi e asi iscrittu xetti noi ortas)
Deu non seu meda praticu de su sardu iscrittu ma, mancai manchi de meda tempus de sa Sardigna (agimai 46 annus), ddu chistionu sempri ecun meda prexei!
Non cumprendu poita usas certas litteras chi mi paridi chi in sardu non esistinti: "Kistionai a su postu de chistionai - tenju a su postu de tengiu - Cababasçu a su postu de cababaxiu"
Chi ti podidi fai prexei castia custu spatziu:http://portal-lem.com/images/fr/sar...a_comuna.pdf
Saludi! |
| Cid576 |
Inserito il - 08/11/2013 : 00:53:32
T'arringratziu meda milly73... |
| milly73 |
Inserito il - 07/11/2013 : 19:08:39
Beni beniu |
Tutti i Forum
Kistiona in sardu
