| V I S U A L I Z Z A D I S C U S S I O N E |
| pereddeddu |
Inserito il - 30/05/2009 : 09:24:48
Custus atitidus, de is primus annus de su 1900, ddus iat improvvisaus sa mamai de unu piciocu de bint'annus de una biddixedda de sa Barbaxia de Seulo. Su piciocu fadiat su carretoneri e, una notti, un'omini de trassas malas dd'iat bocìu po ddu torrobai. Candu cust'omini de arrizelu malu iat biu ca su piciocu no portàt dinai ni ateras cosas de valori, po su feli iat incarrerau a ddu destrossai. A su mengianu, manus piedosas iant pigau su corpus totu pistau de cussu poburu e dd'iant portau a domu de sa mamai. Cand'iat biu su fillu scempiau in cussa manera, sa femina iat improvvisau custus atitidus:
“Parint chi acabadas
siant cun tui is diis,
totu is diis de su mundu;
su soli fait luxi
e su celu inclaridi
ma deu no biu sa luxi
e sempiri est scurigau.
Fillu, fillu istimau,
poita ti 'nd'at leau
s'angelu de sa morti?
Fillu, fillu 'e su coru
a giossu ses calau
mortu e isperrau
de su monti isteddau.
Atteu! Chi t'at pigau
in Santu Srebestianu
unu seulesu traitori
tristu e scuminigau.
In Arquerì furriau
s'est in su tiaulu mannu.
Atteu! Fillu istimau
no 'nc'est luxi, ni soli
ni frori, ni cantzoni
ni notti, ni mangianu
atteu fillu stimau!
Nanta chi in campanili
is campanas ge' sonant
chi frorit Genna 'e Mandara
e chi nascit su soli.
Ddu nanta ma no est berus
chi tui fiast su soli
su frori, sa campana!"
Si calincunu si 'nd'arregordat aterus, ddus pongiat me' inoi, po prexei.
|
|
|
Tutti i Forum
Is atitidus
