| V I S U A L I Z Z A D I S C U S S I O N E |
| Marina68 |
Inserito il - 13/11/2008 : 10:41:14
Salude a tottusu isi sadroso.
Tandoro como foeddausu in sadru.
Una cosa si pregonto ma su sadru si podere iscriere comente si foeddara?
Geo seo faendo unu cursu de limba sadra issu est bellu e si imparara meda cosasa.
Ma si pregonto una cosa de curreggere comente iscrio geo e de mi ispiegare e poite si ibballiara iscriendo su sadru chi foeddausu. |
| 4 U L T I M E R I S P O S T E (in alto le più recenti) |
| Marina68 |
Inserito il - 04/05/2009 : 21:02:16
Apo istu sollu como isi arrespostasa e graziasa po s'aggiudu |
| UtBlocc |
Inserito il - 11/12/2008 : 08:29:05
Ma.....no est mezus a iscriere...saludu a tottu sos sardos??? |
| PlatinozkoSudurrak |
Inserito il - 03/12/2008 : 13:42:43
Sa vocale paragozica non si ponet a s'agabu de sa paraula. Pro ti facher un esempiu: "est" si iscrivete semper gai mancari, a sicunda de su chi tenet (o non tenet) in dannantis, si potat legher "est", "este" o puru "es" (b'at de narrer chi in "es" sa vocale paragozica non b'intrat nudda).
Sa paraula "semper" si iscrivet gai si potet leghere "sempes", "semper" o "sempere"
Si tenes nessi unu pacu de cunfidentzia chin su sardu ti nd'abizas cando sa paraula si leghet in d'una manera e cando nono.
B'est peri sa fonosintassi: "frore" si leghtt "vrore", "foto" si leghet "foto".
In custu link bi son sas regulas grammaticales printzipale adatatas a su baroniesu ma ja andat bene peri pro sas ateras variedades si allegamus de vocale paragozica, literas iscavulas e dopias, atzentos, italianismos, iscropare paraulas diferentes, prepositzione de, sinonimos e fonosintassi.
Tue as iscritu:
Salude a tottusu isi sadroso
Ma sichinde sas regulas est menzus a iscriver gai:
Salude a totus is sardos.
ps: apo cambiatu sadru in sardu ca bi capitat sa matessi cosa chin sa paraula preta chi si pronuntziat peri preda, petra, perda ma si iscrivet preta o preda.
|
| Donovan |
Inserito il - 13/11/2008 : 11:15:26
Salude Marina, no est facile a torrare respusta a una pregunta che a-i custa, ca su de "iscriere comente si faeddat" est sempre una cosa relativa meda.
Su sardu tenet "règulas de base" chi si podent impreare in cada dialetu e chi sunt reconotas dae totus sos chi proant de iscrier in sardu, sunt istados sos mannos nostros a si ponner de acordu degai.
Custas règulas sunt:
- Sos plurales depent acabare sempre cun sa "S":
---> mannos (no mannos)
---> sadros (no sadroso)
- Po sas formas verbales de segunda pessone singulare, prima pessone plurale e segunda pessone plurale si acabat sempre in S:
--> Tue ses (no tue sese)
--> Nois seus (no nois seusu)
--> Bois seis (no bois seisi)
- Po sas formas verbales de sas pessones singulares e plurales de tres si acabat sempre cun una "T":
--> Issu est (no issu è, es, er, el, este)
--> Issa narat (no issa narada-narara)
--> Issos ponent (no issos ponente)
Po como podet bastare gai, impara bene custas, a s' incomintzu podet pàrrere un' acanteddu istrambu a iscrier gai ma as a bìere chi a fortza de iscrier gai t' as a abituare.
Custu est comente aias dèpidu iscrier tue, sighinde custas règulas:
Salude a tottus is sadros.
Tandoro como foeddaus in sadru.
Una cosa si pregonto ma su sadru si podet iscriere comente si foeddat?
Geo seo faendo unu cursu de limba sadra issu est bellu e si imparat meda cosas.
Ma si pregonto una cosa de curreggere comente iscrio geo e de mi ispiegare e poite si ibballiara iscriendo su sadru chi foeddaus. |
|
|
Tutti i Forum
Giogu de paraulasa
