Autore Discussione: Nugoresu
Oggetto: Sa paristoria e "Sas Mamudinas" (leggenda nuorese)
Inserito il: 19/09/2007 13:45:39
Messaggio:

Nugoro antica non fit inube est oje, ma in su Monte, a mesu costa, in Sa e sos Frores. Pro chie bi colat oje su traghinu chi falat dae sa funtana e Milianu si nata Ribu e Seuna; sa matessi funtana e Milianu muntovat una cresia antica "Santu Milianu" sa cales, appuntisi d'essere istada isperdia, est'istada torrada a fravicare in ub'oje est sa via S. Emiliano e de cussa (puru issa isperdia) abbarrat pezzi su rosone postu in sa cresia da Nostra Sennora e sas Grassias, in su bichinau e Seuna. S'accattat, compudande in mesu e sas tuppas, in su zassu e ribu e seuna, unu muntone e predas postas a muragadda antica chi testimonzat s'esistenzia de una bidda e pastores: Nùgoro!
Pro torrare e su contu, sos Nugoresos biviana in Su Monte fachende sos massaios e sos pastores, in pache e cuncordia tra issos. Falaban dae su Monte chi los serbabat e in su cale nemmos at triviat a intrare.
Ma una malassotada die sos Nugoresos hana accattau, in Sa Mendula, una cumarca e piratas muriscos sos cales fin ghirande dae un'irrobbatorju de tantas dies, e sas naves issoro, attracandas in sa marina de Orosei.
A pustis chi los hana attaccaos, lis hana picau tottu sos oros, sas armas e sos cabaddos e hana mortu tottu sos homines, francas deche bellissimas feminas nigheddas.
Sun ghiraos a su Monte garrigos de gloria e de cada ricchesa e chin deche ischiavas galanas che panderas chi ghettaban pore a las biere.
Hana fattu festa pro sette dies in sas cales sos ballos e sos canticos de gherra si sunu ammisturaos chin su nuscu e sos arrostos e sos jubilos de disisperu de sos presoneris. Ma s'ustinu li serbabat una disaura manna. Paris chin sas ischiavas s'haian ghirau a domo issoro sa peste!
Tando non b'aiat sas curas de como e in pacu tempus hat cominzau a binde morrer a battiles; tando in Nùgoro non s'intendian prus sos cantos e sos gridos de allegria, ma su prantu e sas mamas, su teju e sos muribondos e su fumu e sos focos chu brusiaban sos mortos.
Bintore, su re, tando hat dessinnau de tramudare sa bidda: hat remu niu sos homines sanos chin sas feminas, sos pizzinnos e su bestiamene e, abbandunau su Monte, sun paraos in sa marghine. In un'atta e traghinu, chi hana muttiu ribu e Seuna, est naschia sa bidda noba e Nùgoro.
Ma prima e moghere haiat tuttau tottu sos oros, tottu su pore e sas ricchessas ammuntonadas in annos de bardanas, in sas Mamudinas; unu locu corbarju de concheddas secretas inube sos Nugoresos haian sos carrjos e sos isticchidorjos. Una borta tuttau tottu, Bintore, haiat azzuramentau tottu sos Nugoresos pro chi mai esseren iscopiau su zassu de su tesoro e haiat postu a bardianu unu cane malu, nigheddu, chin sos ocros rujos, unu molosso picau a sos romanos e chi haian ammeddau.
Nùgoro est naschia dae nobu in Seuna finzas chi unu fizzu de Bintore, Antippe, chi fit prus abesu a sa pastorizia e a sa fura, chin sos hominessuos haiat fattu un'attera bidda prusu a susu e l'haiat muttia Santu Predu. Naban sos anticos chi tottu sos chi s'astinghian a sas Mamudinas chin s'animu de che furare su tesoro, accattaban unu cane nigheddu chin sos ocros rujos chi, arrunzande, los istrajabat! E gai pro sa timoria de sa zente e su colare e su tempus s'est perdju su tesoro e sos Nugoresos, ma est abbarrau in sos mentovos e sos anticos.

Risposte:

---

Autore Risposta: furfuraju
Inserita il: 19/09/2007 23:13:21
Messaggio:

Meda bellu! Custu contu non bi l'ischia...

Permittimi, prusappréstu: "tesoro" si narat "ascusòrju".

Ti lu naro chin istima.

_____________________
coltivo una rosa bianca...

---

Autore Risposta: Nugoresu
Inserita il: 20/09/2007 10:57:35
Messaggio:

furfuraju ha scritto: Meda bellu! Custu contu non bi l'ischia... Permittimi, prusappréstu: "tesoro" si narat "ascusòrju". Ti lu naro chin istima. _____________________ coltivo una rosa bianca...

As resone ma est unu contu c'appo accatau in internet e l'appo postu gai comente fit

---

Autore Risposta: carol
Inserita il: 20/09/2007 11:48:32
Messaggio:

belledda custa istoriedda mi piache meda

---

Autore Risposta: carol
Inserita il: 20/09/2007 11:49:48
Messaggio:

scusae pro su sardu...lo cuprendo tottu ma non lu sò iscriere(?)

---

Autore Risposta: furfuraju
Inserita il: 20/09/2007 13:03:25
Messaggio:

http://www.sardegnacultura.it/docum...20130619.pdf
Aperilu e ammentati de lu remunire e de l'istudiare.


_____________________
coltivo una rosa bianca...

---

Autore Risposta: carol
Inserita il: 20/09/2007 21:55:18
Messaggio:

grazie furfuraju.......ja l'istudio!!

---

Autore Risposta: mekieddu
Inserita il: 01/10/2007 21:12:06
Messaggio:

Nugoresu ha scritto: furfuraju ha scritto: Meda bellu! Custu contu non bi l'ischia... Permittimi, prusappréstu: "tesoro" si narat "ascusòrju". Ti lu naro chin istima. _____________________ coltivo una rosa bianca... As resone ma est unu contu c'appo accatau in internet e l'appo postu gai comente fit

in nugoresu si narat "aschisorju"

---

Forum Sardegna : http://www.gentedisardegna.it/

© Gente di Sardegna la community di Paradisola.it